रेडक्रसले गर्यो संकटमा आवश्यकताको पूर्वानुमान

चौतारा । नेपाल रेडक्रस सोसाईटी जिल्ला शाखा सिन्धुपाल्चोकले संकटमा आवश्यकताको पूर्वानुमान गरेको छ ।

सामुहिक संकट अनुसन्धान परियोजना अन्र्तगत विहीबार सरोकारवाला समुदायबीच रेडक्रसले गैर खाद्य सामग्री वितरण प्रक्रिया बारे मूल्याङ्कन कार्याशाला गरेको हो । कार्यक्रममा ३ समूह बनाई घरपरिवार आवश्यकताहरुको पूर्वानुमान गर्नको लागि के कुरा महत्वपूर्ण हुन्छ, गैर खाद्य सामग्रीहरुको योजना बनाउने कार्यमा निर्णय गर्नुपर्दा केलाई महत्व दिनेजस्ता विषयमा कार्यशाला गरिएको थियो ।

कार्यशालामा प्रमुख जिल्ला अधिकारी बेदनिधी खनाल, गोरखनाथ गणका गणपति निर्मल श्रेष्ठ, जिल्ला प्रहरी कार्यालयका प्रहरी उपरीक्षक राजन अधिकारी, सशस्त्र प्रहरी उपरीक्षक महेश अधिकारी, विभिन्न सरकारी कार्यालयका प्रमुखहरू, संघसंस्थाका प्रतिनिधी, रेडक्रसका पदाधिकारीहरू, स्वयमसेवक, सञ्चारकर्मी लगायतको सहभागिता रहेको थियो ।

युकेएआईडी, आईएफआरसी, नेष्टाको सहकार्यमा रेडक्रसले गरिरहेको सो परियोजनाले खाद्य सामग्री वितरण प्रक्रिया बारे तथ्याङ्क संकलन गरी यसलाई कार्यान्वयन गर्न कार्यशाला गरिएको नेपाल रेडक्रस सोसाईटी केन्द्रीय कार्यालयका कार्यकारी निर्देशक धर्मदत्त विडारीले बताए ।
नेपाल रेडक्रस सोसाईटी सिन्धुपाल्चोकको सभापती राजेन्द्रमान ताल्चाभडेलको सभापतित्वमा भएको कार्यक्रमको समापन प्रमुख जिल्ला अधिकारी बेदनिधी खनालले गरेका थिए ।