अनेरास्ववियूको जिल्ला अध्यक्षमा रसाईली

चौतारा । नेकपा एकीकृत समाजवादी संबद्ध विद्यार्थी संगठन अनेरास्ववियू सिन्धुपाल्चोकको जिल्ला कमिटीको बैठकले कमिटी पुर्नगठन गरेको छ ।

प्रकाश रसाइलीको अध्यक्षतामा कमिटी पुर्नगठन गरिएको हो । जसमा उपाध्यक्ष कुमार थापा, सचिव राजन अधिकारी, सह–सचीव सविना कार्की, सिद्धार्थ तामाङ, कोन्जो दोर्जे शेर्पा, कोषाध्यक्ष राजेन्द्र सापकोटा छन् ।

३१ सदस्यीय जिल्ला कमिटी चयन गरिएको छ संगठनले जनाएको छ । प्रशिक्षणात्मक रहेको बैठकमा पार्टी अध्यक्ष तथा अनेरास्ववियूका पूर्व उपाध्यक्ष नवराज पौडेल, अनेरास्ववियू उपाध्यक्ष हिरेन्द्र शाही, पार्टी प्रदेश कमिटी सदस्य यज्ञ सापकोटा, पार्टी प्रदेश कमिटी सदस्य तथा अनेरास्ववियुको पूर्व सचिवालय सदस्य सीता थापा लगायतले प्रशिक्षण दिएका थिए ।