करेन्ट सटभई आगलागी हुँदा १० लाखको क्षति

तातोपानी । सिन्धुपाल्चोकको भोटेकोशी गाउँपालिमा– ४ गुम्बाडाँडामा करेन्ट सटभई आगलागी हुँदा एक घर पूर्णरुपमा जलेको छ ।

बुधबार साँझ ८ः४५ बजे ६०को छिनुर्बु शेर्पाको घरमा अचानक बिजुलीको करेन्ट सर्ट भई आगो लागि हुँदा १० लाख बराबरको क्षति भएको प्रहरीले जनाएको छ । आगलागी हुँला ईटा, बालुवा र सिमेन्टले बनेको १ तले घर पूर्ण रुपमा ध्वस्त भएको छ । मानवीय तथा चौपाया क्षति नभए पनि प्रहरी पुग्दा घर जलिसकेको प्रहरी कार्यलय सिन्धुपाल्चोकका प्रहरी नायव उपरीक्षक दक्षकुमार बस्नेतले जानकारी दिए ।

स्थानीय र प्रहरीको सहयोगमा आगलागी नियन्त्रणमा लिईएको थियो । घटना सम्बन्धमा थप अनुसन्धान भईरहेको प्रहरीले जनाएको छ ।