उत्कृष्ट काम गर्ने ४ प्रहरी पुरस्कृत

चौतारा । उत्कृष्ट कार्य सम्पादन गरेको भन्दै जिल्ला प्रहरी कार्यालय सिन्धुपाल्चोकले ४ जना प्रहरीलाई पुरस्कृत गरेको छ ।

पुरस्कृत हुनेहरुमा प्रहरी कार्यालय नवलपुरका प्रहरी निरीक्षक रमेशकुमार श्रेष्ठ, जिल्ला प्रहरी कार्यालयमा कार्यरत प्रहरी नायव निरीक्षक घनश्याम नेपाल, प्रहरी जवान सुवास महत र प्रहरी जवान तन्जन थामी रहेका छन् ।

नेपाल प्रहरी संगठनको छविलाई उच्च राख्न आफूलाई सुम्पिएको जिम्मेवारीलाई कुशलता पूर्वक इमान्दारी र अनुशासित भई प्रशंसनीय ढंगबाट कार्य सम्पादन गरेको भन्दै प्रहरी नियमावली २०७१ को परिच्छेद १५ को नियम १९७ बमोजिम अभिलेखमा जनिने गरि पुरस्कृत गरिएको जिल्ला प्रहरी कार्यालय सिन्धुपाल्चोकका उपरीक्षक दक्षकुमार बस्नेतले जानकारी दिए ।