६३ वर्षिय शेर्पा ३ दिनदेखि बेपत्ता

खाडिचौर । फागुन ३० गते बिहानबाट दोलखाको चरिकोटबाट काठमाडौं जान्छु भनि हिँडेका ६३ वर्षका छिङ नर्बु शेर्पा वेपत्ता भएका छन् ।

टोल छिमेकमा काठमाण्डौ जान्छु भनि हिँडेको त्यसपछि अहिलेसम्म नभेटिएको भतिजा साँगे शेर्पाले बताए । ‘उहाँले घरमा खबरै नगरी साथमा फोन पनि नबोकी हिँड्नु भएकोले उहाँसँग हाम्रो सम्पर्क हुन सकिरहेको छैन’, उनले भने– ‘हामीले काठमाडौंमा आफन्तहरुकोमा गएर बस्नुभएको छ की भनेर पनि सम्पर्क गर्यौं तर उहाँ कुनै पनि आफन्तकोमा जानुभएको पाएनौं ।’

आफन्तकोमा खोजी गर्दा नभेटिएपछि प्रहरीलाई खबर गरेको उनले बताए । ‘प्रहरीमा पनि खोजी गर्न निवेदन दिएका छौं’, उनले भने– ‘प्रहरीले पनि नभेटेको जानकारी दिईरहेको छ । हामीलाई उहाँको चिन्ता लागिरहेको छ ।’ उनलाई देख्नु भेट्नु हुने महानुभावहरुलाई नजिकको प्रहरी कार्यालय वा ९८४०८१२७४८, ९८४३९२८९५१ मा खबर गरिदिनको लागि शेर्पाले आग्रह गरेका छन् ।