सिन्धुपाल्चोक फुटबल संघमा श्रेष्ठ विजयी

चौतारा । सिन्धुपाल्चोक जिल्ला फुटबल संघको ८औं जिल्ला अधिवेशनबाट अमृतमान श्रेष्ठ अध्यक्ष पदमा निर्वाचित भएका छन् ।

शनिबार सम्पन्न निर्वाचनमा मनकुमार श्रेष्ठलाई पराजित गरी अमृतमान विजयी भएका हुन् । निर्वाचनमा अमृतमानले ८ मत पाँउदा मनकुमारले ४ मत प्राप्त गरेको निर्वाचन अधिकृत भेषराम ढकालले बताए । उपाध्यक्ष पदमा भने ८ मत ल्याएर बलदेव सिवाकोटी, ७ मत ल्याएर दिनेशकुमार श्रेष्ठ र गणेशबहादुर लामा विजयी भए । उनीहरुका प्रतिद्वन्द्वी सूर्य बोहोरा र निमा शेर्पा भने ४/४ मत ल्याएरका थिए ।

अधिवेशनबाट सदस्यहरूमा राजिवमानसिं बस्नेत, माधव तिमल्सिना, राकेश राना, श्रीप्रसाद प्रधान, अनिल लामा, अनुप बस्नेत, श्याम तामाङ, प्रेम लामा, सनिल काफ्ले र आशिष खोकाली विजयी भएका छन् ।