प्रचारप्रसार गर्दा खुकुरी प्रहार गरिनु निन्दनीयः माओवादी

चौतारा । नेपाल कम्युनिष्ट पार्टी (माओवादी केन्द्र) जिल्ला समन्वय समिति सिन्धुपाल्चोकले शान्तिपूर्ण रुपमा चुनावी प्रचारप्रसारमा रहेका माओवादी कार्यकर्तामाथी ज्यान मार्ने आसयले खुकुरी प्रहार गरी हातपात गरिनु निन्दनीय भएको जनाएको छ ।

चुनाव प्रचारप्रसार अभियान सञ्चालन गरिरहेको अवस्थामा पाँचपोखरी थाङ्पाल गाउँपालिका– ७ भोटेनाम्लाङमा नेकपा एमाले वडा अध्यक्षका उम्मेदवार सुके तामाङ र राप्रपाका उहि वडाका वडा सदस्य उम्मेदवार देवराज गुरुडले वाईसिएल नेपाल चुनावी प्रचारमा रहेका सदस्यहरु जीवन पुरी, विनोद गिरी र रोहित गिरीलाई खुकुरी प्रहार गरी गम्भीर घाईते बनाउनुको साथै बा९६प ५२२३ नम्बरको मोटर साइकल समेत क्षतविक्ष बनाएका थिए । घाईतेहरुको न्यूरो अस्पतालमा उपचार भईरहेको छ ।

आईतबार समन्वय समितिका संयोजक गोविन्द पराजुलीले एक विज्ञप्ती जारी गदै संघीय लोकतान्त्रिक गणतन्त्र नेपालको संविधानले दिएको नेपाली जनाताको स्वतन्त्रता पूर्वक चुन्ने र चुनिने नैसर्गिक अधिकार उपयोग गर्ने २०७२ वैशाख ३० गतेको निर्वाचनलाई उत्सवको रुपमा मनाइ रहदा ज्यान मार्ने आसयले नेकपा एमाले वडा अध्यक्षका उम्मेदवार नै हातपातमा उत्रनु निन्दनीय रहेको बताएका छन् ।

‘उक्त दुखद घटनाप्रति हाम्रो पार्टी खेद व्यक्त गर्दछ । ज्यान मार्ने उद्देश्य राखेर खुकुरी प्रहार गर्ने निज सुके तामाङ र देवराज गुरुङलाई तत्काल कडा भन्दा कडा कारवाही गर्न सिन्धुपाल्चोक जिल्ला प्रशासन लाई हाम्रो पार्टी अनुरोध गर्दछ’, विज्ञप्तीमा भनिएको छ– ‘आसन्न वैशाख ३० गतेको निर्वाचनलाई शान्तिपूर्ण रुपमा सम्पन्न गर्न सबैमा अपील गर्दछ ।’

हेर्नुस् जारी विज्ञप्तीः