निवर्तमान वडा अध्यक्ष श्रेष्ठ एमालेमा प्रवेश

चौतारा । सिन्धुपाल्चोकको चौतारा साँगाचोकगढी नगरपालिका वडा नं. १४ का निवर्तमान वडाध्यक्ष शेरबहादुर श्रेष्ठसहित ५० जनाभन्दा बढी नेकपा एमालेमा प्रवेश गरेका छन् ।

श्रेष्ठले माओवादी केन्द्रबाट वडा अध्यक्ष जितेका थिए । एमाले अध्यक्ष ओलीले श्रेष्ठसहितको टोलीलाई टिका र खादा लगाई एमालेमा स्वागत गरेका छन् । श्रेष्ठसँगै निर्वाचित वडा सदस्य शर्मिला रसाइली, वाईसियल नेपालका नेता उमेश श्रेष्ठ, सरोज श्रेष्ठ, स्थानीय नेता क्रमसः मुसे दमाई, तिलकबहादुर नेपाली, हिरा बिक, शम्भु तामाङ, चन्द्रबहादुर गेलाङलगायत नेता कार्यकर्ता सोमबार नेकपा एमालेका अध्यक्ष केपी शर्मा ओलीको निवास बालकोट पुगि एमालेमा प्रवेश गरेका हुन् ।