कुविण्डेमा झडपः एमाले कार्यकर्ता हातपातमा उत्रिए

चौतारा । चौतारा साँगाचोकगढी नगरपालिका– ४ कुविण्डेमा नेकपा (एमाले)का कार्यकर्ताले नेकपा (माओवादी केन्द्र) उम्मेद्वार कुमार शर्मा माथी हातपातको प्रयास गरेका छन् ।

एमालेका तर्फबाट वडा अध्यक्षका उम्मेदवार राजु श्रेष्ठका १५ मोटरसाईकलमा आएका कार्यकर्ताले बुधबार (आज) साँझ माओवादी केन्द्रका वडा अध्यक्ष कुमार शर्मालाई हातपातको प्रयास गरेका थिए । शर्माको घरमै गएर हातपात गर्न खोज्दा दुई पक्षबीच झडप भएको हो । ‘१५ वटा मोटरसाईकलमा आएमा एमालेका कार्यकर्ताले त्यो कुमार शर्मा खोई भन्दै घर घेरेर हातपात गर्न खोजे’, उम्मेद्वार कुमार शर्माले भने– ‘त्यसपछि हाम्रा साथीहरु आउनुभयो र सामान्य झडपको स्थिति बन्यो ।’

यो झडपबारे प्रहरी प्रशासनलाई समेत खबर गरिएको उनले बताए । ‘उम्मेदवार नै सुरक्षित नभएको महसुस भयो’, एक स्थानीयले भने– ‘एमाले कार्यकर्ताको यो उदण्डतापनलाई प्रहरी प्रशासनले नियन्त्रण गर्न जरुरी छ ।’