जुगल– १ मा कांग्रेसको उम्मेद्वार तामाङ विजयी

बराम्ची । सिन्धुपाल्चोकको जुगल गाउँपालिका वडा नं १ मा नेपाली कांग्रेसका जनक तामाङ विजयी भएका छन् ।

नेकपा एकीकृत समाजवादीका उम्मेदवार निवर्तमान वडाध्यक्ष कमल थापालाई ७ मतले पछाडि पार्दै तामाङले विजयी भएका हुन् । १ हजार ५ सय ९१ मत खसेको सो वडामा तामाङले ५ सय ८४ मत प्राप्त गरेका छन् भने थापाले ५ सय ७७ मत मात्रै ल्याए ।

सो वडामा ११ मत बदर हुँदा गठबन्धनबाट अध्यक्ष पदका उम्मेदवार माओवादी केन्द्रका रेशम स्याङ्बोले ९ सय ७५ र उपाध्यक्षमा नेपाली कांग्रेसका हिमाल कुमार श्रेष्ठले ८ सय ५९ मत प्राप्त गरे ।

त्यस्तै नेकपा एमालेका अध्यक्ष पदका उम्मेदवार जय बहादुर तामाङले ३ सय ६५ र उपाध्यक्ष सुनितन थापा लामाले ३ सय ३२ मत, राप्रपाका अध्यक्ष उम्मेदवार कमला सिलवालले ३१ र उपाध्यक्ष उम्मेदवार ध्रुबराज घिमिरेले ३२ मत प्राप्त गरेका छन् ।