जनयुद्धको उद्गम स्थल कुविण्डेमा माओवादीको जीत

चौतारा । जनयुद्धको उद्गम स्थल सिन्धुपाल्चोकको चौतारा साँगाचोकगढी नगरपालिका– ४ कुविण्डेमा नेकपा (माओवादी केन्द्र) को प्यानल नै विजयी बनेको छ ।

शर्माले आफ्नो प्रतिद्वन्दी नेकपा एमालेका राजु श्रेष्ठलाई भारी मतले पराजीत गरेका छन् । शर्माले १ हजार २ सय ७ ल्याए भने श्रेष्ठले जम्मा ६ सय ३३ मत मात्रै प्राप्त गरे । त्यस्तै महिला सदस्यको उम्मेद्वार कुन्साङ लामाले १ हजार २ सय ५८, दलित महिला सदस्य मिनकुमारी दमाईले १ हजार २ सय ८८, खुल्ला सदस्यमा बीरबहादुर तामाङले १ हजार २ सय ४८ र महेश श्रेष्ठले १ हजार २ सय ४३ मत प्राप्त गरी विजयी बने ।

यो नेकपा (माओवादी केन्द्र) ले सिन्धुपाल्चोकमा जितेको दोस्रो वडा हो । यस अघि लिसंखुपाखर गाउँपालिका– १ बाट पाशाङलाल लामा विजयी बनेका थिए ।