एम्बुलेन्सले लियो ज्यान !

खाडीचौर । एम्बुलेन्स विरामी बोक्न प्रयोग गर्ने सवारीसाधनको रुपमा बुझिन्छ । यो साधनले ज्यान जोगाउन मद्दग गर्छ । तर सिन्धुपाल्चोकको लामोसाँघु जिरी सडक खण्डको २ किलो नजिकै एम्बुलेन्सले नै एक बृद्धको ज्यान लिएको छ ।

सुनकोशी गाउँपालिका– ७ स्थित २ किलोमा एम्बुलेन्सले सुतिरहेको अवस्थामा रहेकी ८९ बर्षिया मनमाया खड्काको ज्यान लिएको हो । बुधबार राति खड्काको जस्तापाताको घरमा बा२०च ६३२७ नम्बरको एम्बुलेन्स छिरेको थियो । सडकखण्डबाट एम्बुलेन्स खसेर घरमा सुतिरहेकी ८९ वर्षीया मनमाया खड्काको निधन भएको हो ।

एम्बुलेन्स घरभित्र छिरेपछि घाइते भएकी खड्काको उपचारका लागि अस्पताल लाने क्रममा निधन भएको जिल्ला प्रहरी कार्यालय सिन्धुपाल्चोकका सूचना अधिकारी दक्षकुमार बस्नेतले जानकारी दिए । उनका अनुसार एम्बुलेन्स सडकबाट दुई मिटर तल झरेको थियो । दुर्घटनाको बारे छानविन भईरहेको प्रहरीले जनाएको छ ।