खेलाडीलाई जुनियर ग्रेडीङ बेल्टको प्रमाणपत्र प्रदान

चौतारा । हिराहरि तेक्वान्दो डोजाङ चौताराले खेलाडीहरुलाई जुनियर ग्रेडीङ बेल्टको प्रमाणपत्र प्रदान गरेको छ ।

चौतारा साँगाचोकगढी नगरपालिका– ७ स्थित सिद्धीगणेश माध्यमिक विद्यालयमा भएको बुधबार भएको सो कार्यक्रममा १० जना खेलाडीहरुलाई जुनियर ग्रेडीङ बेल्टको प्रमाणपत्र प्रदान गरिएको हिराहरी तेक्वान्दो डोजाङका संस्थापक तथा डोजाङ प्रमुख रमेश गुरुङले बताए ।

खेलाडीहरुलाई नवनिर्वाचित वडा अध्यक्ष डम्बरबहादुर तामाङ र निवर्तमान अध्यक्ष उमाप्रसाद दुलालले प्रमाणपत्र प्रदान गरेका थिए । त्यस्तै मंगलबार चौतारामा १० जना खेलाडीहरुलाई जुनियर ग्रेडीङ बेल्टको प्रमाणपत्र प्रदान गरिएको गुरुङले जानकारी दिए ।