हिराहरि तेक्वान्दो प्रतियोगिता सम्पन्न

चौतारा । हिराहरि तेक्वान्दो डोजाङ चौताराद्वारा आयोजित प्रथम हिराहरि अन्तर डोजाङ क्योरोगी र पुम्से प्रतियोगिता चौतारा– ५ आलडाँडाको सेमिकबर्ड हलमा सम्पन्न भएको छ ।

१२ स्वर्ण मध्ये ९ क्योरुगी (फाइट ) र ३ स्वर्ण पुम्सेको लागि भएको थियो । प्रमुख अतिथी जिल्ला फुटबल संघ सिन्धुपाल्चोकका नवनिर्वाचित अध्यक्ष अमृतमान श्रेष्ठ, विशेष अतिथी जिल्ला ब्याटमिन्टन संघ सिन्धुपाल्चोकका अध्यक्ष सुवर्ण श्रेष्ठ अतिथिहरुमा सिद्धिगणेश माविका शिक्षक राजकुमार श्रेष्ठ लगायत अभिभावकहरुको बाक्लो उपस्तिथिमा प्रतियोगिता सम्पन्न भएको हो ।

क्योरुगी तर्फ भने पुरुष २२ केजीमा क्रमसः प्रथम आरुस दुलाल, द्वितीय निस्चल दुलाल, पुरुष २४ केजीमा प्रथम अविनाश कार्की, द्वितीय कुशल ढुङ्गाना, तृतीय शिभान्शु श्रेष्ठ, मोहित घिमिरे, पुरुष २९ केजीमा प्रथम सालिन बिक, द्वितीय रेहान श्रेष्ठ, तृतीय सुरज सिलवाल, पुरुष ३१ केजीमा प्रथम अनमोल कार्की, द्वितीय रुस्तम घिमिरे, पुरुष ३५ केजीमा प्रथम मिङमार तामाङ, द्वितीय राजन दुलाल, तृतीय आयुश लामा सुशील चौलागाईं भएका थिए ।

‌‌‌

त्यस्तै पुरुष ३९ केजीमा प्रथम अर्जुन योन्जन, द्वितीय युकेश कटवाल, तृतीय सरोज तामाङ, प्रसिन लामा, पुरुष ४२ केजीमा प्रथम सुजन तामाङ, द्वितीय दिशान्त घिमिरे, तृतीय रीजन गौतम, पुरुष ४६ केजीमा प्रथम शिखर नारायण श्रेष्ठ, द्वितीय मन्जित तामाङ, तृतीय आरोन श्रेष्ठ भएका थिए । महिला ३८ केजीमा प्रथम रफिका ढुङ्गेल, द्वितीय रोजिना थापा मगर हुन सफल भएका थिए ।

प्रतियोगितामा जुरिको भुमिकामा तातोपानी तेक्वान्दो डोजाङका प्रमुख अजय गुरुङ रहेका थिए । त्यस्तै जर्जमा जयराम तामाङ, सन्देश खड्का, सुदिप तामाङ र दर्पण श्रेष्ठ रहेका थिए । पुम्से तर्फ क्रमसः प्रथम आयुशी श्रेष्ठ, जुना तामाङ निशान ढुङ्गाना, द्वितीय रेगिना गुरुङ, सोफिया श्रेष्ठ र दोर्जे तामाङ र तृतीय रिया यादव प्रबिन घले र आयन श्रेष्ठ भएका थिए ।

प्रतियोगितामा प्रथम, द्वितीय र तृतीय हुन सफल खेलाडीहरुलाई मेडल र प्रमाणपत्र वितरण गरिएको थियो । उत्कृष्ट खेलाडीको ट्रफी पुरुष २४ केजीमा प्रथम भएका अविनाश कार्कीले उचालेका थिए । प्रतियोगिता कार्यक्रम हिराहरि तेक्वान्दो डोजाङका संस्थापक तथा डोजाङ प्रमुख रमेश गुरुङले सञ्चालन गरेका थिए ।