जनप्रतिनिधिलाई भू–उपयोग सम्बन्धी अभिमुखिकरण

बराम्ची । जुगल गाउँपालिकामा भू–उपयोग सम्बन्धी योजना र तर्जुमा प्रकृयाबारे जनप्रतिनिधिहरुलाई अभिमुखिकरण गरिएको छ

सामुदायिक आत्मनिर्भर सेवा केन्द्र (सिएसआरसी) ले मंगलबार भू–उपयोग ऐन, नियमावली, भू–उपयोग योजना, स्थानीय परिषद् गठन, भू–उपयोग योजना कार्यान्वयन र यसको प्रभाववारे जनप्रतिनिधिहरुसँग छलफल गरेको हो । भू–उपयोग योजनामा स्थानीय तहको भूमिका कस्तो रहने भन्ने विषयमा समेत छलफल भएको विज्ञ गोपाल गिरीले जानकारी दिए ।

जुगल गाउँपालिकाका अध्यक्ष रेशम स्याङवोको अध्यक्षतामा भएको सो कार्यक्रममा गाउँपालिका उपाध्यक्ष हिमाल कुमार श्रेष्ठ, प्रशासकीय अधिकृत लोकबहादुर बिक, सिएसआरसीको अधिकृत विनोद सुनार, दिपिका अर्याल, वडा अध्यक्ष टंक तामाङ, रबि लामा, चन्द्रकाजी तामाङ, प्रेम तामाङ, लक्षमण दोङ, रबिन्द्र घिमिरे, कार्यपालिका सदस्यहरु, कर्मचारीहरुको सहभागिता थियो ।