बालिकालाई जवरजस्ती गरेको आरोपमा एक पक्राउ

चौतारा । जिल्ला प्रहरी कार्यालय सिन्धुपाल्चोकले सुस्तमनस्थिती भएकी बालिकालाई जवरजस्ती करणी गरेको आरोपमा एकजनालाई पक्राउ गरेको छ ।

साउन १ गते बेलुका ७ः३० बजे १२ वर्षकी एक सुस्तमनस्थिती भएकी अपाङ्ग वालिकालाई सुनकोशी गाउँपालिका– ५ हलेगाभा बस्ने ५६ वर्षको डम्मरबहादुर भुजेलले जबस्जस्ती करणी गरेको प्रहरीले जनाएको छ । सो ठाउँको पधेरोटोल स्थित कच्ची बाटोमा जवरजस्ती करणी गरेको भन्ने जाहेरीको आधारमा भुजेललाई साउन २ गते बिहान घरैबाट पक्राउ गरिएको प्रहरी नायव उपरीक्षक दक्ष कुमार बस्नेतले जनाए ।

भुजेललाई जवरजस्ती करणी मुद्दामा सम्मानित सिन्धुपाल्चोक जिल्ला अदालतबाट दिन ७ को म्याद अनुमति लिई थप अनुसन्धान कार्य भइरहेको प्रहरीले जनाएको छ ।