तेक्वान्दो खेलाडीहरुको जुनियर ग्रेडिङ सम्पन्न

चौतारा । हिराहरि तेक्वान्दो डोजाङ सानोसिरुवारीमा जुनियर तेक्वान्दो खेलाडीहरुको ग्रेडिङ सम्पन्न भएको छ ।

नेपाल तेक्वान्दो संघको वार्षिक कार्यक्रम अनुसार हिराहरी तेक्वान्दो डोजाङले सेतो पेटीदेखि रातोपेटीसम्मको ग्रेडिङ लिएको छ । जुनियर ग्रेडिङमा सेतो पेटीका सुशान्त थापा, सृजल श्रेष्ठ, पहेलो पेटीका समर्पण थापा, मोहित घिमिरे, पहेँलो/हरियो पेटीका आयुशी श्रेष्ठ, हरियो पेटिका कुशल ढुङ्गाना, रफिका ढुङ्गेल, सुजन तामाङ, हरियो निलो पेटीतर्फ भने जुना तामाङले डबल प्रमोसन हुन सफल भएसंगै अन्य प्रशिक्षार्थी भने उत्र्तीण हुन सफल भएका छन् ।

ग्रेडिङ हिराहरी तेक्वान्दो डोजाङका कालोपेटी दोस्रो डान मेनुका श्रेष्ठले लिएकी थिईन् । कार्यक्रमका सिद्दिगणेश मा.वि. विद्यालय ब्यवस्थापन समितिका अध्यक्ष रबिन गौतमले खेलले समग्र व्यक्तित्वको विकास गर्ने भएकोले अध्ययनसँगै खेललाई पनि निरन्तरता दिन आग्रह गरे । विद्यालयका प्रधानाध्यापक राजकुमार यादवले खेलाडीहरुलाई शुभकामना दिएका थिए ।

शिक्षक, अभिभावक, सिनियर खेलाडीहरु आयान श्रेष्ठ, प्रबिन घले, शिखर नारायण श्रेष्ठ, मनिष सापकोटा, अनमोल कार्की तथा खेलकुद प्रेमीहरुको बाक्लो उपस्थिति रहेको थियो । हिराहरी तेक्वान्दो डोजाङको संस्थापक तथा डोजाङ प्रमुख रमेश गुरुङले कार्यक्रमको सञ्चालन गरेका थिए ।