मगर विद्यार्थी संघमा राजेन्द्र सर्वसम्मत अध्यक्ष

चौतारा । नेपाल मगर विद्यार्थी संघ सिन्धुपाल्चोकको सातौं जिल्ला अधिवेशनबाट राजेन्द्र रानामगर सर्वसम्मत अध्यक्षमा निर्वाचित भएका छन् ।

सिन्धुपाल्चोकको चौतारामा शनिबार भएको अधिवेशनले १७ सदस्यीय कार्यसमिति चयन गरिएको हो । अधिवेशनले उपाध्यक्षमा अन्जु रानामगर, सचिवमा सुस्मिता रखालमगर, सह–सचिवमा सन्तोष रानामगर र कोषाध्यक्षमा बन्दना थापामगर सर्वसम्मत चयन गरेको छ ।

त्यस्तै सदस्यहरुमा मुना थापामगर, मेरिशा रानामगर, सुदिक्षा रानामगर, सुजिता रानामगर, प्रविना रखालमगर, समिर रानामगर, रोजिना बुढाथोकी मगर, निराजन थापामगर, नविन थापामगर, कुसुम थापामगर, सिर्जना रानामगर र सन्तोष थापामगर चयन भएका हुन् ।

सम्मेलनको उद्घाटन समारोहलाई सम्बोधन गर्दै नेपाल मगर विद्यार्थी संघका केन्द्रिय बरिष्ठ उपाभ्यक्ष चित्र पुलामीमगरले मगर विद्यार्थीहरुले आफ्नो भाषा, संस्कृतिको रक्षा गर्दै शिक्षाको विकासमा जोड दिनुपर्ने बताए । ‘हाम्रो समुदायबाट राज्यको विभिन्न क्षेत्रमा कार्यकारी भूमिकामा कोहि नहुनु भएको शिक्षा क्षेत्रलाई कम प्राथमिकता दिएका कारण हो’, उनले भने– ‘तसर्थ शिक्षा क्षेत्रलाई प्राथमिकता दिएर हाम्रो समुदाय अगाडि बढ्नुपर्छ ।’

नेपाल मगर विद्यार्थी संघका जिल्ला अध्यक्ष सृजना थापामगरको सभाध्यक्षमा भएको सो कार्यक्रममा नेपाल मगर संघ सिन्धुपाल्चोकका सह–कोषाध्यक्ष मोहन थापामगर, नेपाल मगर विद्यार्थी संघका केन्द्रिय सदस्य संगीता रानामगर, मगर विद्यार्थी संघ सिन्धुपाल्चोकका जिल्ला सहल्लाहकार बाजुराम थापामगर लगायतले आफ्नो भनाई राखेका थिए । कार्यक्रममा विद्यार्थीहरुको उल्लेख्य सहभागिता थियो ।