नेपाल शिक्षक संघको अध्यक्षमा पौडेल (मतसहित)

चौतारा । नेपाल शिक्षक संघ सिन्धुपाल्चोकको अध्यक्षमा त्रिपुरासुन्दरी गाउँपालिका– ६ का ऋषिराम पौडेल निर्वाचित भएका छन् ।

आइताबार संघको नयाँ नेतृत्वको लागि मतदान भएको थियो । पौडेलले उनका प्रतिद्वन्दी उम्मेद्वार शिवराम न्यौपानेलाई २ सय ३० मतअन्तरले पराजित गरेका हुन् । पौडेलको ५ सय ५ र न्यौपानेको २ सय ७५ मत प्राप्त भएको थियो । त्यस्तै महिला उपाध्यक्षमा निर्मला तिमल्सिना निर्वाचित भईन । उनले ४ सय ३६ मत ल्याईन भने उनको प्रतिद्वन्दी उम्मेद्वार लक्ष्मी पौडेलले ३ सय ३३ मत प्राप्त गरिन् ।

उपाध्यक्ष खुल्लामा सूर्यप्रसाद आचार्य निविरोध भएका थिए । सचिव पदमा रुद्रबहादुर कार्की निर्वाचित भए । उनले ४ सय ४८ मत ल्याउँदा उनको प्रतिद्वन्दी उम्मेद्वार पुण्यप्रसाद गजुरेलले ३ सय १९ मत प्राप्त गरे । अर्थ सचिवमा नारायणप्रसाद नेपाल निर्विरोध भए ।

सहसचिव खुल्लामा विजय अधिकारी विजयी भए । उनले ३ सय ५९ मत प्राप्त गरे भने उनका प्रतिद्वन्दी उम्मेद्वार नवराज पौडेलले २ सय ५० र भुपेन्द्र पौडेलले १ सय ४३ मत प्राप्त गरे ।

सहसचिव समावेशीमा मिङमार लामा, राजनरत्न दनुवार, सह सचिवमा महिलामा शोभा बस्नेत, अर्थसचिव महिलाान डोल्मा शेर्पा लामा, महिला सदस्यमा भक्तकुमारी खड्का, बिनु बस्नेत, बिन्दाकुमारी पौडेल, खुला सदस्यमा उमेश बस्नेत, कृष्णप्रसाद उप्रेती, नारायणप्रसाद नेपाल र शिवलाल श्रेष्ठ निर्विरोध निर्वाचित भएको निर्वाचन सहसंयोजक हरिगोपाल श्रेष्ठले जानकारी दिए । निर्वाचनमा कुल ७ सय ८६ ले मतदान गरेको उनले बताए ।