महाकालीमा लियो र लायन्स क्लबद्वारा पुस्तकालय हस्तान्तरण

चौतारा । लियो क्लब अफ काठमाडौ एभरेष्ट सन साईन र लायन क्लब अफ काठमाडौ न्यू एभरेष्ट सनसाईनद्वारा सिन्धुपाल्चोकको चौतारा साँगाचोकगढी– ८ इर्खु, पोखरेमा रहेको महाकाली सेतिदेवी आधारभूत विद्यालयमा पुस्तकालयका लागि पुस्तक र अन्य शैक्षिक सामग्रीहरू हस्तान्तरण गरेका छ ।

विभिन्न क्षेत्रमा सामाजिक कार्य गर्दै आएका लियो क्लब अफ काठमाडौ एभरेष्ट सन साईन र लायन क्लब अफ काठमाडौ न्यू एभरेष्ट सनसाईनले बुधबार विद्यालयलाई पुस्तकसहित आवश्यक शैक्षिक सामग्री लियो सल्लाहकार पुकार छन्त्याल, लायन इन्द्र लामा, लियो क्लब अध्यक्ष लक्ष्मी विश्वकर्मा, सचिव रमेश श्रेष्ठ, गीता महर, लुनिभा श्रेष्ठ र साजन श्रेष्ठले विद्यालयमा उपस्थित भई शैक्षिक सामग्री विद्यालयलाई हस्तान्तरण गरेको हो ।

कार्यक्रमलाई सम्बोधन गर्दै लियो सचिव रमेश श्रेष्ठले निकट भविष्यमा पुस्तकहरु थप्दै जाने प्रतिबद्धता जाहेर गरे । त्यस्तै विद्यालय व्यवस्थापन समितिका अध्यक्ष लिलाबहादुर श्रेष्ठ, प्रधानाध्यापक सन्तोष दंगाल, पूर्व प्रधानाध्यापक जनकराज गिरी, बालकृष्ण दंगाल र अप्सरा थापाले पुस्तकालयको भरपुर सदुपयोग गर्ने प्रतिबद्धता जनाएका छन् । विद्यालयले पुस्तकालयमा पुस्तक उपलब्ध गराउन विशेष प्रयास गरेकोमा रमेश श्रेष्ठप्रति आभार व्यक्त गरेको छ ।