अभियन्ता सुन्दास सहित दर्जन बढि एमाले नेता गठबन्धनमा आवद्ध

आसन्न प्रतिनिधि सभा तथा प्रदेश सभा निर्वाचनको मिति नजिकिँदै गर्दा सिन्धुपाल्चोक प्रतिनिधि सभा क्षे नंबर १ मा नेकपा एमाले परित्याग गरि लोकतान्त्रिक वाम गठबन्धनमा प्रवेश गर्ने क्रम बढेको छ ।

बुधबार लिसंखु पाखर गाउँपालिकाको विभिन्न वडाहरुमा भएको मतदाता भेटघाट घरदैलो कार्यक्रम सकेर ठुलो पाखरमा भएको कोण सभामा एमाले जिल्ला कमिटि सदस्य एवम् अभियन्ता विक्रम सुन्दास लगायतको टिम गठबन्धनमा आवद्ध भएको छ ।

सुन्दास लामो समयदेखि सामाजिक क्षेत्रमा कार्यरत छन् भने उनी दलित अभियन्ता हुन् । गठबन्धनमा आवद्ध हुनेहरुमा लिसंखु पाखर गाउँपालिका वडा नं ५ का एमाले सचिव जोगलाल तामाङ , वडा कमिटि सदस्य रामु तामाङ, पशुपति तामाङ, पालिका कमिटि सदस्य पदम लामा , मिनु लामा , मिट्ठु लामासहित दर्जन बढि एमाले नेता कार्याकर्ता छन् ।