• समाचार
  • देश/प्रदेश
  • समाज
  • राजनीति
  • विचार/ब्लग
  • अर्थ
  • शिक्षा
  • स्वास्थ्य
  • खेलकुद
  • मनोरञ्जन
  • विश्व
  • अन्तर्वार्ता
  • कला/साहित्य
  • कृषि
  • पर्यटन
  • फोटो कथा
  • बाल संसार
  • रोचक
  • GNN TV PLUS
२०७९ माघ २३, सोमबार | Monday, 06, Feb, 2023
Global Pati Logo
  • GNN TV PLUS
  • युनिकोड
  • समाचार
    • राजनीति
    • अपराध
    • रोजगार
  • देश/प्रदेश
  • समाज
  • विचार
  • अर्थ
  • शिक्षा
  • स्वास्थ्य
    • हेल्थ एण्ड फिटनेश
  • खेलकुद
  • कला/साहित्य
    • मनोरञ्जन
  • विश्व
  • अन्य
    • सूचना/प्रविधि
    • जीवनशैली
    • धर्म/संस्कृति
    • सम्पादकीय
    • पत्रपत्रिका
    • ENGLISH EDITION

खोजी गर्नुहोस

in
FLASH NEWS
  • १नाटकघरसहितको सिन्धु कला मन्दिरको सामुदायिक भवन बन्ने
  • २दिगो विकासको अवधारणा ल्याएका छौंः मन्त्री दुलाल
  • ३एसईई परीक्षाकाे तालिका सार्वजनिक, चैत १७ देखि सुरू हुने (सूचीसहित)
  • ४३० परिवारको निःशुल्क जीवन बिमा
  • ५पूर्वसभामुख सापकोटालाई माओवादी केन्द्रको उपाध्यक्ष बनाउने तयारी
  • ६बागमतीको मूख्य न्यायाधिवक्तामा नेपाल नियुक्त
  • ७पशु फर्ममा आगलागी हुँदा ५० लाख बढीको क्षति
  • ८बाग्मती प्रदेशले पायाे ११ मन्त्री (नामसिहत)

‘समतामूलक ढंगबाट समान विकास गर्छु’ थापा

ग्लोबलपाटीप्रकाशित मिति: २०७९ मंसिर १, बिहिबार (२ महिना अघि)
  • ३७० पाठक संख्या
  • Deepak Thapa In

    मंसिर ४ गते हुने प्रतिनिधिसभा तथा प्रदेशसभा सदस्य निर्वाचन २०७९ मा मतदान गर्न अब ३ दिन मात्र बाँकी छ । २ वटा प्रतिनिधिसभा निर्वाचन क्षेत्र र ४ वटा प्रदेशसभा निर्वाचन क्षेत्र भएको सिन्धुपाल्चोकमा प्रतिनिधि सभा क्षेत्र नं १ को प्रदेश सभा क्षेत्र नं. २ मा राष्ट्रिय प्रजातन्त्र पार्टीबाट दीपक थापाले उम्मेदवारी दिएका छन् । विद्यार्थी राजनीतिबाट मुलधारको राजनीतिमा प्रवेश गरेका थापा उनी उम्मेदवार बनेको क्षेत्रका सुपरिचित व्यक्ति हुन् । निर्माण व्यवसायी थापा समाजसेवा र राजनीतिको माध्यमबाट त्यस क्षेत्रका युवाहरुमाझ लोकप्रिय छन् । प्रदेश सभा सदस्य बनेपछि पार्टी सरकारमा सहभागी भएमा थापालाई महत्वपूर्ण मन्त्रालयको जिम्मेवारी दिने समेत पार्टीका पूर्व अध्यक्ष पशुपतिशमसेर राणाले बताएका छन् । उनै थापासँग गरिएको निर्वाचन लक्षिते कुराकानीको सम्पादित अंशः

    तपाईंको मुख्य चुनावी अजेन्डाहरु के–के छन् ?
    म आफू पनि ग्रामीण क्षेत्रको मान्छे भएकोले सिन्धुपाल्चोकको सदरमुकाम चौतारा र जुगलले विकट गाउँ तेम्बाथानका बासिन्दाले समान सुविधा उपभोग गर्न पाउनुपर्छ भन्ने कुरामा सदैव दृढ छु । ६ कक्षाभन्दा माथि पढ्न नपाउने तेम्बाथानका बालबालिकासहित हरेक बालबालिकाले आफ्नो क्षमता अनुसार गरिब पारिवारिक पृष्ठभूमि हुनेले पनि एकदमै सस्तोमा उसले चाहेको शिक्षा लिन पाउनुपर्छ भन्ने मेरो माग छ । गरिबका बच्चा पनि डाक्टर, इन्जिनियर, पाइलट हुन पाउनुपर्छ । हरेक बालबालिकाको शिक्षा, स्वास्थ्य र रोजगारीको जिम्मा सरकारले लिनुपर्छ, म लिन्छु । सडक, पुल, विजुली, खानेपानी जस्ता आधारभूत विकास नेताले छानेर हैन, सरकारले जानेर दिनुपर्छ ।

    मेरो क्षेत्रको हरेक नागरिक यी सुविधाबाट बञ्चित नहुने गरी समतामूलक ढंगबाट सबैतिर समान विकास गरिनेछ । आवश्यकताको आधारमा विकास गर्ने नीति निर्माण गर्दै प्रमुख सडक तथा अन्य वडास्तरीय ग्रामीण सडकहरु बाह्रैमहिना कम्तिमा एम्बुलेन्स गुड्न सक्ने गरी स्तरोन्नति गरिनेछ । अझै पनि विजुली बत्ती बाल्न नपाएका जुगलका तेम्बाथान, क्याङसिङ, गुम्बा सहितका यस क्षेत्रका सबै बस्तीमा नियमीत बिजुली बालिनेछ । विपन्न परिवार पहिचान गरी घरायसी प्रयोजनको बिजुली निशुल्क गरिनेछ । टुकी र सोलारको धिपधिपे उज्यालोमा रहेका बस्तीलाई राष्ट्रिय प्रशारण लाइनमा जोडेर गाउँवासकिो जीवनशैली परिवर्तन गर्ने मेरो लक्ष्य छ ।

    तपाईंलाई के विश्वासले मतदान गर्ने ?
    म राजनीतिक चेत बोकेर विद्यार्थीकालदेखि नै राजनितिमा होमिएको युवा हुँ । क्याम्पसका स्ववियु निर्वाचनहरुमा समेत सहभागी भई विद्यार्थीको हक र अधिकारको पक्षमा वकालत गर्दै आज यो अवस्थामा आइपुगेको छु । म सँग स्पष्ट भिजन छ । म जितेर गएपछि नीति बनाउने ठाँउमा पुग्ने भएकाले नयाँ पुस्ताले देशमै रोजगारी पाउन सक्ने, उचित शिक्षा पाउन सक्ने, अध्ययन र रोजगारी कै लागि विदेशिनु पर्ने अवस्थाका अन्त्य हुने गरी दिर्घकालीन लक्ष्यसहितको नीति निर्माण गर्नेछु ।

    भ्रष्टाचार गरेर खानु आमाको रगत खानु सरह मानेर आफू पनि भ्रष्टाचार गर्दिन र भ्रष्टाचारीलाई कडाभन्दा कडा सजाय हुने कानुन निर्माण गराउनेछु । मैले मतदातालाई एकपटक मलाई हेर्नुस्, काम गरिन भने अर्कोपटक फेर्नुस भन्दै हिँडेको छु । म अरु दलका उम्मेदवार जस्तो म मात्रै ठिक भन्ने घमण्ड बोकेर हिडेको छैन । मसँग त आत्मविश्वास छ, मेरो त्यही आत्मविश्वास देखेरै मतदाता पनि मलाइ मत दिन आतुर हुनुहुन्छ ।

    म आवद्ध पार्टी देशकै माटो सुहाँउदो पार्टी हो । आयातित माक्र्सवादी दल भन्दा म आवद्ध दल नयाँ र नेपाली मौलिक पार्टी हो । यो पार्टीको सदस्य भएर निर्वाचनमा होमीन पाउनु मेरो लागि सौभाग्य समेत हो । पार्टीमा नयाँ नेतृत्व आएपछि अहिले देशैभरबाट उदयीमान वैकल्पिक शक्तिको रुपमा राप्रपा उदाइरहेको छ । यस्तो अवस्थामा आम मतदाताले यस पटकको स्वर्णीम मौका गुमाउनुहुनेछैन ।

    अंकगणीतीय रुमिा तपाईंको पार्टीको मत जित्नका लागि पर्याप्त देखिदैन । त्यसमा पनि दुई ठूला दल गठबन्धन नै गरेर आएका छन् । यस्तोमा हार्ने नै हो भनेर जनताले मत हाल्दैनन् कि तपाईंलाई ?

    तपाईं कुरा अंकगणीतीय हिसाबले हेर्दा ठिकै हो । दलगत रुपमा हामी अरु दलको तुलनामा कमजोर छौं । तर अहिलेका सचेत मतदाताले दल भन्दा पनि त्यसका उम्मेदवार र उसले उठाएका मुद्दा हेरेर मत हाल्ने हुनाले जनताले मेरो प्रतिज्ञा पत्र हेरेर मलाई नै मत हाल्ने मनसाय बनाइसक्नु भएको छ । र, अर्को मलाई फाइदा हुने कुरा के छ भने मेरा प्रतिस्पर्धी मित्रहरु मेरो लागि कहिल्यै समस्या बन्नुहुन्न । गठबन्धनको तर्फबाट उम्मेदार बन्नुभएका माओवादी नेता यो ठाउँको पाहुना हुनुहुन्छ । पाहुनालाई फूलमालाले स्वागत गर्ने हो, मत दिने हैन भनेर उहाँकै कार्यकर्ताहरुले नै भन्दै आएका छन् । एमालेका उम्मेदवार पनि यसअघि गाउँपालिका अध्यक्ष जितेर जनताले उहाँको कार्यशैली नियालिसक्नु भएको छ । एमालेकै कार्यकर्ताहरु समेत उहाँसँग रुष्ट हुनुहुन्छ ।

    गठबन्धनका कारण नेपाली काँग्रेसले उम्मेदवार नपाउँदा उहाँहरु पनि खुसी हुनुहुन्न । उहाँहरुलाई के कुरा थाहा छ भने यदि यो क्षेत्रमा यस पटक कम्युनिष्टले किला गाड्यो भने अर्को पटकबाट काँग्रेसले त्यो किला फुकाल्ने त परै जाओस, हल्लाउन पनि सक्नुहुन्न । त्यसकारण पनि प्रजातन्त्रको रक्षा गर्दै लोकतन्त्रको संस्थागत विकासको लागि पनि मैले जित्दा राप्रपासहित काँग्रेस, एमाले र माओवादीको जित नै हुन्छ । नयाँ स्वतन्त्र मतदाताहरुको चाहना पनि युवा नेतृत्व नै भएकाले मलाई मत हाल्ने कुरा उहाँहरुले नै मलाई बताउनुभएको छ । दीपकले हार्छ की भन्ने डर त्यागेर ढुुक्कसँग मत हाल्न मैले सबैलाई आग्रह समेत गरेको छु र उहाँहरुले पनि मत हाल्ने प्रतिवद्धता जनाउनुभएकोले म निर्वाचन जित्नेमा पूर्ण विश्वस्त छु ।

    तपाईंको क्षेत्र कृषि, पर्यटनको लागि उर्वर क्षेत्र मानिन्छ, सम्भावना हुँदा हुँदै पनि यहाँका युवाहरु श्रमका लागि पलायन भईरहेका छन् । यदी तपाईले निर्वाचन जित्नुभयो भने विशेष योजनाहरु के के छन् ?

    अहिले जुगल गाउँपालिकाभित्र मात्रै ३१० मेगावाटभन्दा धेरै विजुली निकाल्ने गरी हाइड्रोपावरहरु दर्ता भइ सञ्चालनमा रहेका छन् भने लामोसाँघुको म्याग्नेसाइट उद्योग रुग्ण बनेर बसेको छ । यी उद्योगहरुमा स्थानिय युवाहरुलाई उनीहरुको सीप र श्रमको आधारमा रोजगारीको व्यवस्था गर्न सकिने आधारहरु छन् । हाइड्रोेपावर कम्पनीहरुलाई नेताप्रति भन्दा जनताप्रति बफादार बनाइ जनताको माग पूरा गर्ने वाचा भयो । युवाहरुको विदेश पलायनताको क्रम रोक्न

    स्वरोजगारमूलक तालिम दिने र सीप बन्धकी राखेर सामूहिक कृषि उद्यम गर्न चाहने युवालाई निव्र्याजी ऋण दिने नीति प्रदेश सरकारबाट निर्माण गराइनेछ । मल तथा बिउ समयमै उपलब्ध गराउने मेरो पहल हुनेछ ।
    उच्च क्षेत्रमा उत्पादन हुने आलु, मुला तथा बेशीका फाँटहरुमा तरकारी तथा अन्न उत्पादन गर्न प्रोत्साहन गरी विचौलियाले नाफा खाएर किसान लुटिने दिनको अन्त्य गरिनेछ । कृषि उत्पादन सरकारले नै किन्ने व्यवस्था गर्नेछु । प्रदेश सरकारको अनुदानमा बीमा गराउने गाउँमै रहेर कृषि कर्ममा लागेका किसानलाई कर छुट दिइने, व्यापारी, व्यवसायी ठेकेदारसँग नाफाको अनुपातमा मर्का नपर्नेगरी कर नीति लागू गर्ने मेरो योजना छ ।

    तपाईंलाई पनि थाहै होला, अहिले जुगल गाउँपालिकाले प्रचारमा ल्याएको नेपेमासल र जुगल हिमालको प्रचारको लागि मेरै व्यक्तिगत पहल र खर्चमा गाउँपालिकाले भन्दा पहिले नै भिडियो डकुमेन्ट्री बनाइसकेको छु । यस्ता पर्यटकीयस्थलहरुको प्रवद्र्धनका लागि आवश्यक पूर्वाधार, पदमार्ग तथा प्रचारप्रसार गरी स्थानीय जनताको आर्थिक विकास गर्ने मेरो लक्ष्य छ । सुकुटे करिडोर जल पर्यटन हब बनाउदै जुगल हिमाललाई हिमाल आरोहण अभ्यास केन्द्रको रुपमा विकास गर्नेछु । जङ्गललाई स्थानीय जनताको आयस्तरको स्रोत बनाउदै जग्गा बाँझो छाड्ने परिपाटी अन्त्य गराउन बाँझो जग्गा भूमिहीनले खेती गर्न पाउनेगरी जग्गाधनिसँग निःशुल्क लिजमा दिलाइनेछ ।

     

  • अन्तर्वार्ता
  • दीपक थापा
  • राष्ट्रिय प्रजातन्त्र पार्टी
  • प्रतिक्रिया दिनुहोस
    अन्तर्वार्ता सम्बन्धि थप
  • नाटकघरसहितको सिन्धु कला मन्दिरको सामुदायिक भवन बन्ने

  • दिगो विकासको अवधारणा ल्याएका छौंः मन्त्री दुलाल

  • एसईई परीक्षाकाे तालिका सार्वजनिक, चैत १७ देखि सुरू हुने (सूचीसहित)

  • ३० परिवारको निःशुल्क जीवन बिमा


  • ग्लोबल अपडेटथप

    नाटकघरसहितको सिन्धु कला मन्दिरको सामुदायिक भवन बन्ने

    Sindhu Kala Mandir

    दिगो विकासको अवधारणा ल्याएका छौंः मन्त्री दुलाल

    Siddiganesh

    एसईई परीक्षाकाे तालिका सार्वजनिक, चैत १७ देखि सुरू हुने (सूचीसहित)

    Exam

    ३० परिवारको निःशुल्क जीवन बिमा

    Jugal
    बढी पढिएका
    १

    पूर्वसांसद् कर्मचार्यले छाडे एमाले (कस्ले के भने ?)

    समाचार
    २

    चौतारा नगरमा नयाँ नाटक मञ्चनः कार्यालय समय अघिनै निकाल्यो नतिजा

    मूख्य समाचार
    ३

    कसलाई कति पर्यो मध्यभोटेकोशीको शेयर (सूचिसहित)

    समाचार
    ४

    ओली पक्षले लगाएको ताल्चा तोड्दै नेपाल समूहले राख्यो साईनबोर्ड

    सिन्धु एमालेमा लफडा
    ५

    सिन्धु एमालेको रणनीतिः झुक्याउँदै, सदस्य बनाउँदै

    समाचार

    सामाजिक सञ्जाल

    प्रधान सम्पादक:

    मणिसुन्दर कोइराला

    फोन: ९८५१०९०४११

    [email protected]

    Global Pati Logo
    • हाम्रो टीम
    • हाम्रो बारे

    सूचना बिभाग दर्ता नं.: २२४६/०७७/-७८

    सम्पर्क:

    शब्दालय पब्लिकेशन एण्ड मिडिया नेटवर्क प्रा.लि.

    कार्यालय: चौतारा, सिन्धुपाल्चोक

    फोन: ९८४३४२५३३३ (समाचार शाखा)
    ९८२८७९६२२२ (बिज्ञापन शाखा)

    ईमेल: [email protected]

    सम्पर्क कार्यालय: बागबजार, काठमाण्डौ

    © 2020 Copyright Sabdha Laya Publication & Media Network Pvt. Ltd. | All rights reserved.Term of ServicePrivacy Policy Site by: GOJI Solution