मेलम्चीका आगलागी पीडितलाई ७० हजार सहयोग

मेलम्ची । गएको कार्तिक ७ गते मेलम्ची बजारमा भएको भीषण आगलागीका पीडितहरुलाई राहत स्वरुप नगद ७० हजार रुपैंया प्रदान गरिएको छ ।

मेलम्ची ब्याडमिन्टन एकेडेमीका सदस्यहरुबाट संकलित ७० हजार रुपैँया बिहीबार हस्तान्तरण गरिएको अध्यक्ष कुमार सापकोटाले जानकारी दिए । गत कार्तिक ७ गते दीपक दुलाल, राजन दुलाल, केदार दुलाल र माधव दुलालको घरमा आगालागी भएको थियो । उनीहरुको घरसँगै त्यहाँ रहेका तीनवटा पसल जलेर नष्ट भएको थियो ।

सहयोग हस्तान्तरण कार्यक्रमकै बीच क्लबका आजीवन सदस्य कुमार भट्टराईले प्रभावित हरिशरण श्रेष्ठकी छोरीको शिक्षामा सहयोग गर्ने प्रतिबद्धता जनाएका छन् । यसअघि मेलम्ची नगर उद्योग बाणिज्य संघले पनि प्रभावितलाई सहयोग गरेको थियो ।