लिलाराज बानियाले ल्याए ‘मन कि परी’ (भीडियोसहित)

चौतारा । मोडल तथा गीतकार लिलाराज बानियाले प्रेम गीत मन कि परी बजारमा ल्याएका छन् ।

हरियाली प्रोडक्सनले निर्माण गरेको गीतको संगीत बानियाले गरेका हुन् । उनलाई विशाल तामाङले साथ दिएका छन् । सिन्धुपाल्चोकको इन्द्रावती गाउँपालिका– ३ का बानिया हरियाली प्रोडक्सनको प्रमुख समेत हुन् । पछिल्लो समय आफुलाई अब्बल मोडल र गीतकारको रुपमा स्थापित गरेका उनले संगीत क्षेत्रमा समेत आफुलाई उभ्याएका छन् ।

नारायण दंगाल र श्रद्धा रसाईलीको स्वरमा रहेको सो गीतको शब्द सुरेन्द्र तामाङले लेखेका हुन् भने संगीत एरेन्ज नारायण दंगालले गरेका छन् । सुमन्त बानियाको निर्देशनमा गीतको भीडियो बनेको छ । भीडियोको मूख्य भूमिकामा गणेश गोपाली र विपना चौलागाईलाई देख्न सकिन्छ ।

आरभ प्रोडक्सनले निर्माण गरेको भीडियोलाई नवीन तोलाङ्गीले छायाङ्कन गरेका हुन भने कल्पेश विकले सम्पादन गरेका हुन् ।

हेर्नुस् भीडियोः