नवजात शिशु जन्माइ हत्या गर्ने पक्राऊ

हेलम्बु । नवजात शिशु जन्माई जिउदै घाँटी थिची हत्या गर्ने एक आमालाई प्रहरीले पक्राउ गरेको छ ।

हेलम्बु गाउँपालिका– ५ कल्लेरी बस्ने वर्ष २२ की रबिना तामाङलाई नवजात शिशु हत्या गरेको आरोपमा प्रहरीले पक्राउ गरेको हो । कार्तिक २९ गते दिउँसो तामाङले नवजात शिशु(छोरा) जन्माई जिउदै घाँटी थिची, मुख थुनि हत्या गरेको भन्दै परेको उजुरीमाथी अनुसन्धान गरी तामाङलाई पक्राउ गरिएको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक शिवकुमार बुढाथोकी जानकारी दिए ।

सोहि ठाउँ बस्ने मानबहादुर तामाङले रबिना तामाङले नवजात शिशु जन्माई जिउदै घाँटी थिची हत्या गरी निजकै घर भन्दा ५० मिटर दक्षिण सार्वजनिक खरबारीमा २ फिट खाडल खनी शिशुलाई पुरेको भन्ने उजुरी ईलाका प्रहरी कार्यालय हेलम्बुमा उजुरी दिएका थिए । उजुरीको आधारमा प्रहरी टोलीले घटनास्थलको अनुसन्धान एवम् लास जाँच मुचुल्का समेत गरी पोर्टमार्टमको लागि पठाएको थियो ।

प्रहरीले रबिना तामाङलाई नियन्त्रणमा लिई थप अनुसन्धान गरिरहेको जनाएको छ । तामाङको श्रीमान वैदेशिक रोजगारको सिलसिलामा ३ वर्ष देखि विदेशमा रहेको समेत प्रहरीले जनाएको छ ।