वडामै गई सम्झौता गर्दै जुगल

जुगल गाउँपालिकाले आयोजना गरेको उपभोक्ता समितिका पदाधिकारी, वडा समिति तथा कर्मचारीहरूका लागि योजना संचालन सम्बन्धी एक दिवशिय अभिमुखीकरण गोष्ठी सबै वडाहरूमा सुरू भएको छ ।

कार्यक्रमसँगै गाउंपालिकाले उपभोक्ता समितिको सम्झौता वडा -वडा मै कार्यको थलानी समेत गरिएको छ ।

सेवाको लागि गाउँपालिका धाउँदा उपभोक्ता समितिहरूको समय लगायत अन्य खर्च पनि बढ्ने र कागजातहरू नपुग्दा सम्झौता विनै फर्किनुपर्ने अवस्था थियो । यसपालि सेवा नै वडामा आउँदा वास्तवमै स्थानीय सरकार जनताको नजिकको सरकार रहेको अनुभूति उपभोक्तालाई भएको कुरा बताउँछन् । यस्तो सेवा प्रति उपभोक्ताहरूले खुलेर प्रशंसा र स्वागत समेत गरका छन् ।

गाउँपालिकाको ७ वटै वडामा गाउँपालिकाको अध्यक्ष रेशम स्याङबो उपाध्यक्ष हिमाल कुमार श्रेष्ठ, प्रशासकीय अधिकृतको नेतृत्वमा कर्मचारीहरू खटिई सम्झौतासँगै अभिमूखिकरण कार्यक्रम समेत सञ्चालन गरिने र यो कार्यले उपभोक्ताहरूमा सुशासनको अनुभूति दिलाउने कुरा प्रमुख प्रशासकीय अधिकृत प्रवेश बढुवालले बताए ।