विद्यालयहरूले स्रोत, साधनको समस्या झेल्नु पर्ने छैन -सांसद सापकोटा

सिन्धुपाल्चोक क्षेत्र नम्बर १ का संघीय सांसद माधव सापकोटा ‘सुबोध‘ले स्रोत, साधन र जनशक्तिका कारण जिल्लाका विद्यालयहरूलेसमस्या झेल्नु नपर्ने बताएका छन् ।

शुक्रबार जिल्लाको जुगल गाउँपालिका वडा नं ५ स्थित रत्न राज्य माध्यमिक विद्यालयले गाउँपालिका भित्रको समग्र शैक्षिक सुधार एवंगुणस्तरीय शिक्षाका लागि आयोजना गरेको अन्तरक्रियामा सांसद सापकोटाले विद्यालयहरूलाई साधन स्रोतको अभाव हुन नदिनेप्रतिवद्धता जनाएका हुन् ।

उनले कार्यक्रम आयोजक रत्नराज्य माविलाई जुगल गाउँपालिकाको केन्द्रिय विद्यालयका रूपमा विकास गर्न समेत प्रस्ताव गरे ।निवर्तमान सभामुख अग्निप्रसाद सापकोटाको विशेष पहलमा चीन सरकारको सहयोगमा निर्मित रत्न राज्य माविको भव्य एवं व्यवस्थितभवनको सहि सदुपयोग गर्न सके छोराछोरी पढाउन कै लागि काठमाडौं गएका मध्ये ४० प्रतिशत मानिसलाई गाउँ फर्काउन सकिने उनकोभनाई थियो ।

विद्यालयको व्यवस्थापन र प्राविधिक पक्षलाई बढाउन सकियो भने राम्रो गर्न सकिने सापकोटाको विश्वास थियो। प्रविधि र व्यवस्थापनपक्षमा सुधार गरेर शिक्षामा गुणस्तर ल्याउन सकिन्छ‘ उनले भने ।

यसैविच सांसद सापकोटाको पहलमा रत्न राज्य मावि चनौटे र काठमाडौंस्थित स्लिटन कलेजबीच प्राविधिक र व्यवस्थापकिय सहकार्यगर्ने सहमती भएको छ ।

प्रविधि र व्यवस्थापनको क्षेत्रमा राष्ट्रिय एवं अन्तर्राष्ट्रिय ख्यातिप्राप्त सो कलेजले रत्न राज्यमा प्रविधि र व्यवस्थापनमा सहयोग गर्ने छ ।

गत मंसिर ४ को चुनावमा शिक्षालाई सहज, गुणस्तरयुक्त र पहुँचयोग्य बनाएर क्रमशः निशुल्क बनाउन स्थानीय तह, प्रदेश र संघीयसरकारसँग समन्वय गर्ने प्रतिवद्धता व्यक्त गरेका सांसद सापकोटासँगै वागमती प्रदेश सभा सदस्य सरल सहयात्री पौडेल, अमृता नेपाल, माई सेकण्ड टिचरका संस्थापक एवं स्लिटन सञ्चालक सुलभ बुढाथोकीसँगै कार्यक्रममा सहभागी भएका थिए ।

सांसद सहयात्रीले विद्यालयको व्यवस्थापनमा छलफल गर्दा मसिना कुरामा बढि ध्यान अष्टाह गरे । ‘साना लाग्ने तर महत्वपूर्ण कुरामाछलफल गरौं‘ उनले भने । माई सेकेन्ड टिचरका संस्थापक सुलभ बुढाथोकीले अब रत्न राज्य माविलाई काठमाडौं आफूलाई राम्रो भन्नेविद्यालय सरह बनाउन सकिने र आफूहरूले त्यसका लागि काम गर्ने बताए ।

अन्तरक्रिया पछि स्लिटन कलेजसँग सहकार्य र जुगल गाउँपालिकाका अध्यक्ष रेशम स्याडको अध्यक्षतामा पालिकाको समग्र शैक्षिकअवस्था सुधारका लागि काम गर्ने निर्णय भएको छ ।

अन्तरक्रियामा जुगल गाउँपालिका उपाध्यक्ष, दलका प्रतिनिधि, वडा अध्यक्षहरू, पालिका भित्रका सबै विद्यालयका शिक्षक प्रतिनिधि, शिक्षा विदु पालिकाको शिक्षा विभागका प्रतिनिधि, शिक्षक एवं सञ्चारकर्मीहरूको सहभागिता रहेको थियो ।