मृगौला पीडितलाई १ लाख ७१ हजार सहयोग

चौतारा । दुबै मृगौलाले काम नगर्ने दुबै मृगौलाले काम नगर्ने भएपछि काठमाण्डौको शिक्षण अस्पतालमा उपचार गराईरहेका चौतारा साँगाचोकगढी नगरपालिका– ८ ईर्खु, चिलाउने सुरेश नेपालीलाई सहयोग गरिएको छ ।

आर्थिक अवस्था कमजोर रहेको नेपालीको जीवन रक्षाको लागि बचाऔं अभियान सञ्चालन गरी संकलन गरिएको १ लाख ७१ हजार ९ सय ४२ रुपैंया पीडितको निवासमा नै पुगि अभियान्ता सन्तोष दंगालले जानकारी दिए । ‘अभियान्ताहरु राजेश श्रेष्ठ ‘प्रयास’को पहलमा संकलित १ लाख ७ हजार ३ सय ९ रुपैंया, रविकुमार बर्देवाको पहलमा संकलिन २४ हजार ५ सय ७३ रुपैंया र मेरो नेतृत्वमा संकलन भएको ४० हजार ६० रुपैंया गरी कुल १ लाख ७१ हजार ९ सय ४२ रुपैंया हस्तान्तरण गरिएको छ’, दंगालले भने । उनले सहयोग गर्नुहुने सबै महानुभावप्रति धन्यवाद प्रदान गरे ।

पीडितको मृगौला प्रत्यारोपण एवम् औषधोपचार गर्नु पर्ने देखिएको तर आर्थिक अवस्था कमजोर रहेको कारण पूर्ण रुपमा उपचार गर्न नसकिएको परिवारले जनाएको छ । बचाऔं अभियान सञ्चालन गरिरहेका अभियान्ताहरुले नेपालीको जीवन रक्षाका लागि समाजवेवी, संघ संस्था, सहयोगी मनहरुलाई अपिल गरेका छन् ।

सहयोग गर्न चाहने सहयोगी मनहरुले ९८२३७६५६५८, ९७४८२६७६०६, ९७६२२६५५०५, ९८१३५१५२०९, ९८६१८४२४५९ मा सम्पर्क गरी अथवा पीडित सुरेश नेपालीको कृषि विकास बैंक चौतारा शाखामा रहेको खाता नं. ०२१३५०५२१५६२००१६ मा जम्मा गरी सहयोग गर्न सकिने जनाईएको छ ।