प्रेस सेन्टरले छैठौं अधिवेशन गर्ने, शिरीषको संयोजकत्वमा आयोजक समिति निर्माण

चौतारा । प्रेस सेन्टर नेपाल जिल्ला समन्वय समिति सिन्धुपाल्चोकको छैठौं अधिवेशनको मिति तय गरेको छ ।

शनिबार बसेको बैठकले २०७९ फागुन २६ गते चौतारामा अधिवेशन गर्ने मिति तय गरेको हो । बैठकले सुन्दर शिरीषको संयोजकत्वमा १७ सदस्यिय अधिवेशन मूल आयोजक समिति निर्माण गरेको छ । समितिको सदस्यहरुमा अर्जुन शर्मा, सम्झना कार्की, निर्मल बस्नेत, केशवप्रसाद अधिकारी, कल्पना श्रेष्ठ, रस्मिला खत्री, राजेन्द्र रानामगर, सुप्रिन्स कसजू, दुर्गा श्रेष्ठ, मोनिका विक, निर्मल माझी, सुमित्रा श्रेष्ठ, स्वस्तिका सापकोटा, बासुदेव गिरी, निषा घिमिरे र सरस्वती नेपाल रहेका छन् ।

बैठकले सम्मेलन पूर्व संगठनको सदस्यता नविकरण अनिवार्य गर्ने, संगठनलाई अझैं मजबुद् बनाउन क्षमता अभिवृद्धिलगायतका कार्यक्रम सञ्चालन गर्ने निर्णय गरेको छ । बैठकले सांगठनिक प्रतिवेदन, आर्थिक प्रतिवेदन पारित गर्दै संगठनका कार्यवाहक अध्यक्ष दिपक खत्री क्षमता अभिवृद्धिको सिलसिलामा बंगलादेश प्रस्थान गर्न लागेकोमा बधाई ज्ञापन गर्दै सफलता र सुरक्षित बसाईको शुभकामना व्यक्त गरेको थियो ।

नेकपा (माओवादी केन्द्र) सिन्धुपाल्चोकका संयोजक गोविन्द पराजुली ‘अभिनास’ को प्रमुख आतिथ्यता एवम् जनवर्गीय संगठनका इञ्चार्ज जानुका पराजुली ‘भावना’ को विशेष आतिथ्यतामा भएको बैठकले संगठन सुदृढिकरण र सञ्चारकर्मीको पेशागत विकासमा विशेष जोड दिएको थियो ।