एकल महिला सञ्जालको अध्यक्षमा सुन्तली

साँगाचोक । एकल महिला सञ्जाल चौतारा साँगाचोकगढी नगरपालिका वडा नम्बर १२ को अध्यक्षमा सुन्तली गिरी चयन भएका छन् ।

बिहीबार भएको भेलाबाट गठन गरिएको ११ सदस्यीय समितिको उपाध्यक्षमा पद्मकुमारी भुजेल, सचिवमा रुपा गिरी, कोषाध्यक्ष नानी तामाङ, सदस्यहरुमा गोमा गिरी, यसोदा गिरी, मैयाँ नेपाली, बिष्णु वि.क., सावित्रा पुरी, सरिता श्रेष्ठ, लिलामाया पौडेल चयन भएका छन् ।

एकल महिला सञ्जालको पहिलो भेला आयोजना गरि समिति गठन गरिएको चौतारा साँगाचोकगढी नगरपालिका नगर कार्यपालिका सदस्य सीता पौडेलले जानकारी दिईन् । सदस्य पौडेलले एकल महिला संगठित भइ समिति गठन गर्न सफल भएकोमा खुशी व्यक्त गदै आगामी दिनमा सञ्जाललाइ सहयोग गर्ने प्रतिबद्धता जनाईन् ।

यसैगरी नगर कार्यपालिका सदस्य सृजना वि.क.ले एकल महिला सञ्जाल साहारा विहिनको साहारा बन्न सकोस भन्दै नवगठित समितिलाई शुभकामना व्यक्त गरिन् ।