प्रदेश स्तरिय पदकधारी ढुङ्गेल सम्मानित

सानोसिरुबारी । चौतारा साँगाचोकगढी नगरपालिका– ७ सानोसिरुवारी स्थित सिद्धिगणेश माविको प्राङ्गणमा जुनियर तेक्वान्दो खेलाडीहरुको ग्रेडिङ कार्यक्रम सम्पन्न भएको छ ।

सोही अवसरमा दशरथ रंगशाला त्रिपुरेश्वर काठमाडौंमा माघ १३ र १४ गते जैशिदेवल युथ क्लबद्वारा आयोजित बागमती प्रदेश स्तरिय तेस्रो जुनियर आमन्त्रण मेयर कप तेक्वान्दो प्रतियोगितामा सिन्धुपाल्चोकको तर्फबाट महिला ४२ के. जि. तौल समूहमा प्रतिनिधित्व गर्दै क्योरुगीमा रजत पद जित्न सफल राफिका ढुङ्गेललाई नगद २ हजार र सम्मान पत्रद्वारा हिराहरी तेक्वान्दो डोजाङले सम्मानित गरेको छ ।

नेपाल तेक्वान्दो संघको वार्षिक कार्यक्रम अनुसार हिराहरी तेक्वान्दो डोजाङले सेतो पेटीदेखि रातोपेटीसम्मको ग्रेडिङ लिएको छ । जुनियर ग्रेडिङमा सेतो पेटीका राकेश मगर, पहेँलो पेटीका स्मृति नेपाल र निलो पेटीका अर्जुन योन्जन डबल प्रमोसन हुन सफल भएसंगै अन्य प्रशिक्षार्थी भने उत्र्तीण भएका छन् ।

कार्यक्रममा सिद्दिगणेश माविका अध्यक्ष रबिन गौतम, बागमती प्रदेश खेलकुद विकास परिषद्का सदस्य निरन्जन थापा मगर, विद्यालय ब्यवस्थापन समिति सदस्य केदार दुलाल, अभिभावक समितिका अध्यक्ष प्रजिता पराजुली, सिनियर खेलाडीहरु अन्जन पुरी, सुरज थापा, मनिष सापकोटा, बिजय तामाङ, अनमोल कार्की, निशान ढुङ्गाना र अभिभावकहरुको बाक्लो उपस्थिति रहेको ग्रेडिङ डोजाङ्गका सिनियर खेलाडी दोस्रो डान कालो पेटि मेनुका श्रेष्ठले लिएकी थिईन् ।

जुनियर ग्रेडिङ कार्यक्रममा राकेश मगरले उत्कृष्ट खेलाडीको ट्रफि जित्न सफल भएका छन् । साथै कार्यक्रममा कालो पेटीको नेपाली तथा कोरियन प्रमाणपत्र वितरण पनि गरिएको थियो । हिराहरी तेक्वान्दो डोजाङका संस्थापक तथा डोजाङ प्रमुख रमेश गुरुङले कार्यक्रम सञ्चालन गरेका थिए ।