सुरक्षा प्रमुखहरुलाई उद्योग वाणिज्य संघले गर्यो स्वागत

चौतारा । सिन्धुपाल्चोक उद्योग वाणिज्य संघले जिल्लालाई कार्यक्षेत्र बनाएर आएका सुरक्षा प्रमुखहरुलाई स्वागत गरेको छ ।

संघको कार्यालय चौतारामा विहीबार प्रमुख जिल्ला अधिकारी रमेश न्यौपाने, जिल्ला प्रहरी प्रमुख प्रहरी उपरीक्षक बाल नरसिंह राणा, शसस्त्र प्रहरी प्रमुख रविन केसी, राष्ट्रिय अनुसन्धानका उप अनुसन्धान निर्देशक सुदीप अधिकारीलाई स्वागत गरिएको हो । सुरक्षा प्रमुहखरुलाई संघका अध्यक्ष होमबहादुर बस्नेत (राजकुमार)ले मायाको चिनो प्रदान गरेका थिए ।

स्वागत पछि संक्षिप्त मन्तव्य राख्दै प्रमुख जिल्ला अधिकारी रमेश न्यौपानेले सिन्धुपाल्चोक कृषि, उद्योग र पर्यटनको क्षेत्र सम्भावना बोकेको जिल्ला भएको हुँदा त्यसको लागि आवश्यक पर्ने सुरक्षामा सदैव प्रतिबद्ध रहेको जनाए । उद्योगको विकास, पर्यटनको विकासमा यहाँका नागरिकहरु लागिपर्नुपर्नेमा उनले जोड दिए ।

सो कार्यक्रममा संघका अध्यक्ष होमबहादुर बस्नेत (राजकुमार), पूर्व अध्यक्ष तथा नेपाल उद्योग बाणिज्य महासंघका सदस्य कमलकुमार श्रेष्ठ, निवर्तमान अध्यक्ष बेदबहादुर श्रेष्ठ, उपाध्यक्ष सूर्यबहादुर कार्की, महासचिव शम्भुबहादुर तिमल्सिना, सदस्य उद्धव पौडेल, तीर्थ पौडेल, उजार सि तामाङ, नवराज भट्टराई, भुपेन्द्र भण्डारी, राजेश श्रेष्ठ, शिवहरी श्रेष्ठ, रुपक धिताल, सल्लाहकार सहसभापति बुद्धराज बस्नेत, उपसभापति तथा बागमती प्रदेश उद्योग बाणिज्य महासंघका सदस्य यादव दाहल, सल्लाहकार सदस्य रामकृष्ण बस्नेत, जनकदीप पराजुली, कार्यालय प्रमुख ईशवरी चालिसे, चौतारा कार्यालय प्रमुख निर्मल बस्नेतलगायतको सहभागिता थियो ।