जुगलले बोर्डिङले गर्यो विद्यार्थीलाई दिक्षित

चौतारा । सिन्धुपाल्चोकको सदरमुकाम चौतारामा रहेको जुगल बोर्डिङ हाइस्कूलले विद्यार्थीलाई दिक्षित गरेको छ ।

दिक्षान्त समारोहको आयोजना गरी शुक्रबार युकेजीमा अध्ययनरत ५८ विद्यार्थीलाई दिक्षित गरेको हो । चौतारा साँगाचोकगढी नगरपालिकाका उपप्रमुख सीता थापाको प्रमुख आतिथ्यतामा भएको दिक्षान्त समारोहको उद्घाटन गर्दै उनले चौतारा लगायत आसपासको शैक्षिक श्रीबृद्धिका लागि जुगल वोर्डिङ हाईस्कूलले खेल्दै आएको भूमिकाको प्रशंसा गरिन् ।

सो समारोहमा नेपाल पत्रकार महासंघ सिन्धुपाल्चोकका अध्यक्ष जीवन श्रेष्ठले दिक्षान्त समारोहले शिक्षा आर्जनका लागि बालबालिकाहरुमा थप हौसला र प्रेरणा प्राप्त हुने बताए । विद्यार्थीलाई हौसला र प्रेरणा प्रदान गर्न विद्यालयले वार्षिक रुपमा विद्यार्थीलाई दिक्षित गर्दै आईरहेको प्रिन्सिपल ओमप्रकाश उप्रेतीले बताए ।

कार्यक्रममा बालबालिकाहरुले आफ्ना नृत्यहरु प्रस्तुत गरेका थिए भने अभिभावक र विद्यार्थीहरुको बाक्लो उपस्थितिकोबीच समारोहको आयोजना गरिएको थियो ।