थापा, बुढाथोकी र दुलाललाई प्रगतिद्वारा सम्मान

मेलम्ची । सिन्धुपाल्चोकको मेलम्ची नगरपालिका– ११ मा रहेको प्रगति अंग्रेजी माद्यमिक विद्यालयले पत्रकार, साहित्यकार र कलाकारलाई सम्मान गरेको छ ।

विद्यालयको ३१औं वार्षिकोत्सव समारोहको अवसरमा शनिबार जिल्लाका ३ जनालाई सम्मान गरिएको हो । हरेक वर्ष प्रदान गर्दै आएको प्रगति सम्मानबाट यस वर्षको प्रगति पत्रकारिता सम्मान पत्रकार महासंघ सिन्धुपाल्चोकका उपाध्यक्ष दिनेश थापा, साहित्यतर्फ युवा साहित्यकार किशमा किशोर बुढाथोकी र संगीततर्फ लोकगायक पदम दुलाललाई सम्मान गरेको हो । सम्मानित व्यक्तित्वलाई नगरपालिकाका प्रमुख आइतमान तामाङले सम्मानपत्र प्रदान गरेका थिए ।

सिन्धुपाल्चोक जिल्लामा जन्मेर राष्ट्रलाई योगदान गर्ने विभिन्न विधाका व्यक्तित्वलाई २०६२ सालदेखि निरन्तर सम्मान प्रदान गर्दै आएको विद्यालयका प्रिन्सिपल ऋषि नेपालले जानकारी दिए ।