वार्षिकउत्सवमा जुगल बोर्डिङले विभिन्न सम्मान गर्ने

चौतारा । सिन्धुपाल्चोकको चौतारामा रहेको जुगल बोर्डिङ हाइस्कुलले विभिन्न क्षेत्रका व्यक्तित्वलाई सम्मान गर्ने भएको छ ।

विद्यालयको ३३औं वार्षिकउत्सवको अवसरमा सोमबार प्रतिनिधि सभा सदस्य माधव सापकोटा, जुगल शिक्षा सम्मानबाट पूर्ण गौतम, जुगल साहित्य सम्मानबाट चन्द्रप्रसाद न्यौपाने, तेक्वान्दो ओलम्पियन दीपक विष्ट र गायक रामकृष्ण ढकाललाई सम्मान गर्ने भएको हो ।

त्यस्तै २०५३ सालदेखि २०६० सालसम्म विद्यालयबाट एसएलसी ग्राजुएटहरुलाई पनि सम्मान गरिने प्रिन्सिपल ओमप्रकाश उप्रेतीले बताए । वार्षिकोत्सव समारोहकामा विभिन्न सांस्कृतिक प्रस्तुती, शब्द–सारथिको साहित्यिक प्रस्तुती, नृत्यलगायतको कार्यक्रम गरिने उप्रेतीले बताए ।