प्रेस सेन्टरको चौतारा नगर अध्यक्षमा भुजेल

चौतारा । प्रेस सेन्टर नेपाल चौतारा साँगाचोकगढी नगर समितिको अध्यक्षमा रोशन भुजेल चयन भएका छन् ।

शुक्रबार चौतारा भएको जनपक्षीय पत्रकारहरुको भेलाबाट भुजेलको अध्यक्षतामा १५ सदस्यीय नगर समिति निर्माण गरिएको हो । भेलाले उपाध्यक्षमा रुपक दुलाल, सविना कार्की, सचिवमा विक्रम भट्टराई, सह–सचिवमा लक्ष्मी नेपाल र कोषाध्यक्षमा सम्झना थापालाई सर्वसम्मत् चयन गरिएको निर्वाचन समितिका सदस्य एवम् चौतारा क्याम्पसका स्ववियु सभापति अमृत श्रेष्ठले जानकारी दिए ।

त्यस्तै सदस्यहरुमा मुना श्रेष्ठ, नमूना श्रेष्ठ, पवित्रा दुलाल, जेनिषा नेपाल, रविना चौलागाई, मणिला लामा, गंगा केसी र दीपा सापकोटा चयन भएका छन् । नगर समितिको पहिलो बैठकले एक सदस्य थप गर्ने नवनिर्वाचित अध्यक्ष भुजेलले बताए ।

सो भेलामा प्रेस सेन्टर नेपाल जिल्ला समन्वय समिति सिन्धुपाल्चोकका अध्यक्ष सुन्दर शिरीषले नगर अध्यक्षलाई माइनुट हस्तान्तरण गर्दै नगर समितिले जनपक्षिय पत्रकारिताको आयाममा एउटा ईटा थप्ने विश्वास व्यक्त गर्दै शुभकामना व्यक्त गरे । उनले प्रेस सेन्टरको सबै पालिकामा संगठन विस्तार गर्ने उद्देश्य अनुरुप चौतारा साँगाचोकगढी नगरपालिकाबाट यसको सुरुवात गरेको बताए ।

सो अवसरमा जिल्ला समन्वय समितिका उपाध्यक्ष निर्मल बस्नेत र सम्झना कार्कीले नगर समितिलाई खादा र टीका लगाई शुभकामना दिएका थिए । जिल्ला सचिव अर्जुन शर्माले सञ्चालन गरेको कार्यक्रममा स्थानीय जनप्रतिनिधि, जिल्ला समन्वय समिति सहसचिव सुमित्रा श्रेष्ठ, कोषध्यक्ष दीलमाया खड्का, जिल्ला समन्वय समिति पदाधिकारी, सल्लाहकार, बुद्धिजीवि, विद्यार्थीहरुको उपस्थिति रहेको थियो ।