जुगललाई ‘पर्यटकीय केन्द्र’ बनाउन सुरु

बराम्ची । पर्यटकीय क्षेत्रको रुपमा परिचित जुगल गाउँपालिकालाई ‘पर्यटकीय केन्द्र’ काे रूपमा विकास गर्न सुरूवात गरिएकाे छ ।

नेपाल पर्वतारोहण संघ र गाउँपालिकाबीच विहीबार पर्यटन प्रवद्र्धनको लागि सम्झौता भएको छ । जुगल गाउँपालिकालाई पर्यटकीय केन्द्रको रुपमा विकास गर्ने उद्देश्यले नेपाल पर्वतारोहण संघबीच सम्झौता भएको जुगल गाउँपालिका अध्यक्ष रेशम स्याङबोले बताए । पर्वतारोहण सम्बन्धी तालिम केन्द्र स्थापना गर्ने, तालिम सञ्चालन गर्ने, पर्यटन गुरुयोजनालाई निर्माण गर्ने, गाउँपालिका क्षेत्रमा रहेका आरोहणका लागी हिमचुलीहरुको प्रचार प्रसार गर्ने सम्झौता भएको अध्यक्ष स्याङबोको भनाई छ ।

सम्झौता पत्रमा आरोहणका लागि सम्भावना भएर पनि हालसम्म खुल्ला नगरीएका हिमचुलीहरु खुल्ला गर्ने प्रयत्न गर्ने, नयाँ आरोहण मार्गहरुको पहिचान गर्ने, आरोहणहरुलाई ब्यवस्थीत गर्ने लगाएतका विषय समेटिएको छ । पर्यटकिय क्षेत्रको रुपमा विकास गर्नका लागि प्रशस्तै सम्भावनाहरु रहेकोे पालिका अध्यक्ष स्याङबोले बताए ।

त्यस्तै जुगल गाउँपालिका– २ सिन्दुर्चे स्थित जुगल भ्यूप्वाइन्ट साँस्कृतिक केन्द्र निर्माणको लागि जुगल गाउँपालिका र हामी नेपाली ग्लोबल अन्र्तराष्ट्रिय संस्थाबीच पनि सम्झौता भएको छ । जुगल गाउँपालिका र संस्थाबीचको सम्झौतामा जुगल भ्यूप्वाइन्ट साँस्कृतिक केन्द्र निमार्णको समग्र विकासका लागि पूर्वाधार निमार्ण, प्रबद्र्धन, प्रचारप्रसार र उत्पादनका योजनाहरुमा समन्वय र साझेदारी गर्ने निर्णय भएको हो ।

गेगङ पोखरी क्षेत्रमा पर्ने शिव लिंग, शिव पार्वती मन्दिर, १०८ धारा लगाएत अन्य पूर्वाधार निमार्णका लागि आवश्यक खर्च दोस्रो पक्षले ब्यहोर्ने र प्रथम पक्षले समन्वय गर्ने भनि सम्झौता पत्रमा उल्लेख गरीएको छ । सो क्षेत्रलाई पर्यटकीय गन्तब्यको रुपमा विकास गर्ने उद्देश्यका साथ जुगल गाउँपालिका लागिपरेको गाउँपालिका अध्यक्ष रेशम स्याङबोले बताए ।

सामाजिक न्यायसहितको समृद्ध जुगल भन्ने मूल नाराका साथ समृद्ध जुगल पर्यटन क्षेत्रलाई प्रमुख आधारको रुपमा लिएर जुगल गाउँपालिकाले पर्यटन क्षेत्रको विकासका लागि पूर्वाधार निमार्ण, प्रबद्र्धनका कार्यक्रमहरु अगाडि सारेर काम गरिरहेको छ । हामी नेपाली ग्लोबलका अध्यक्ष अमृत लामा, वडा अध्यक्ष्य प्रेम तामाङ्, पर्यटन व्यवसायी मिलन तामाङ, तारा लामा लगाएतको उपस्थीतिमा सम्झौता भएको हो ।