चारवटा टिपर एकसाथ दुर्घटना, चालक घाइते

मेलम्ची । लप्सीफेदीको जंगलमा चारवटा टिपर एकसाथ दुर्घटनामा परेका छन् ।

शनिबार बिहान इन्द्रावतीबाट निर्माण सामग्री बोकेर आएका टिपर तीव्र गतिका कारण दुर्घटनामा परेका हुन् । तीव्र गतिमा आएका टिपर एक अर्कामा ठोक्किएको स्थानीय रमेश मल्लले जानकारी दिए ।

एक टिपरका चालक घाइते भएका छन् । उनलाई उपचारका लागि लगिएको साखु प्रहरी प्रभागकी प्रमुख फुलमाया घिसिङले जानकारी दिइन् ।