सिन्धुपाल्चोकमा बेसबल तथा सफ्टबल संघ गठन

चौतारा । जिल्ला खेलकूद विकास समिति सिन्धुपाल्चोकका अध्यक्ष सुरेश राना मगरको प्रमुख आतिथ्यमा बैशाख ५ गते बसेको भेलाले प्रबोद लामाको अध्यक्षतामा जिल्ला बेसबल तथा सफ्टबल संघ गठन गरेको छ ।

जिल्लालाई बेसबल तथा सफ्टबलका मार्फत पनि चिनारी बनाउने उद्देश्यका साथ गठित बेसबल तथा सफ्टबल संघको उपाध्यक्षमा राजेन्द्र गदाल र इसान क्रान्ति घिमिरे रहेका छन् भने सचिवमा दिपक योञ्जन र कोषाध्यक्षमा अञ्जना दुलाल रहेका छन् ।

त्यस्तै संघको सदस्यमा विक्रम लामा, सन्तोष खड्का, भीम बहादुर तामाङ, कुसुम लामा, सन्तोष सापकोटा र रोसन ढुंगाना चयन भएका हुन् । केन्द्रीय प्रतिनिधिमा प्रबोद लामा र प्रदेश प्रतिनिधिमा राजेन्द्र गदाल चयन भएका छन् ।

जिल्ला खेलकूद विकास समिति मिति २०८० जेठ ५ गते बसेको भेलाले सिन्धुपाल्चोक जिल्ला बेसबल तथा सफ्टबल संघ गठन गरिएको व्यहोरा सार्वजिनक गरेको हो ।