बस दुर्घटनामा ८ घाईते, २ पसलमा क्षति

खाडीचौर ।  दोलखाबाट काठमाडौं गइरहेको बा४ख १९३३ नम्बरको यात्रुवाहक बस शुक्रबार बलेफी गाउँपालिकाको खाडीचौर बजारमा दुर्घटना हुँदा ८ जना घाइते भएका छन् ।

अरनिको यायातायले सञ्चालन गरेको यात्रुवाहक बसको ब्रेक फेल हुँदा गाडी अनियन्त्रित भई पसलमा ठोक्किएको थियो । जसका कारण दुई पसमा क्षतिसमेत पुगेको छ । इलाका प्रहरी बाह्रबिसेका प्रहरी निरीक्षक मुकेश न्यौपानेका अनुसार घाइते सबैलाई उपचारका लागि सिन्धु सदाबहार अस्पताल लगिएको छ ।

बसमा १२ जना भन्दा बढी यात्रु सवार थिए । अनियन्त्रित भएको बस खाडीचौर पुलबाट कपडा पसलमा गएर ठोक्किएको थियोे । स्थानीय प्रत्यक्षदर्शी मिलन सुवेदीले घटना भएलगत्तै स्थानीयले घाइतेलाई तत्काल स्थानीय सिन्धु सदाबहार अस्पताल पु¥याएको बताए । ‘बस ठोक्किएको आवाज आएपछि हामी त्यहाँ पुग्यौं’, सुवेदीले भने– ‘यदी बस पसलमा नठोकिएको भए ठूलै दुर्घटना हुने देखिन्छ ।’ दुर्घटनामा घाईते भएकालाई स्थानीयले तुस्न्तै अस्पताल पुर्याएको बताए ।

दुर्घटनामा घाईते भएका बसका चालक, बस ठोक्किएको पसलका सञ्चालकसहित ८ जना घाइतेको अवस्था अहिले सामान्य रहेको प्रहरीले जनाएको छ । ‘घाइतेहरुको अवस्था समान्य नै रहेको छ, दुर्घटनाको बारे हामी अनुसन्धान गरिरहेका छौं’, प्रहरी निरीक्षक न्यौपानेले भने– ‘प्रारम्भीक अनुसन्धानमा बस ब्रेक फेल भई दुर्घटना भएको देखिन्छ ।’