अखिल(क्रान्तिकारी) ले बनायो सम्मेलन आयोजक समिति

चाैतारा । नेकपा (माओवादी केन्द्र) निकट विद्यार्थी संगठन अखिल(क्रान्तिकारी) सिन्धुपाल्चोकको बिस्तारित बैठकले २०औं जिल्ला सम्मेलनको मिति घोषणा गरेको छ ।

आगामी असोज १९ र २० गते गर्नेगरी मिति तय गरेको क्रान्तिकारीले जिल्ला अध्यक्ष क्षितिज तामाङको अध्यक्षतामा सम्मेलन आयोजक समिति घोषणा गरेको हो । शनिबार चौतारामा भएको बिस्तारित बैठकले सम्मेलनको मिति र आयोजक समिति बनाएको सचिव सुवास गौतमले जानकारी दिए । जिल्लाभर संगठन विस्तार अभियान सम्पन्न गर्नको लागि विशेष जिम्मेवारी तोकिएकाे र सम्मेलन तयारीका लागि कार्यविभाजन गरि जिम्मेवारी दिइएको प्रचारप्रसार विभागका संयोजकसमेत रहेका गौतमले जानकारी दिए ।

नेकपा (माओवादी केन्द्र) का जिल्ला पार्टी संयोजक गोबिन्द पराजुलीको प्रमुख आतिथ्यतामा भएको बैठकले संगठनलाई चुस्तदुस्त बनाउन सम्मेलनको मिति तय गरेको अध्यक्ष क्षितिज तामाङले बताए । त्यसभन्दा अघि सबै पालिकामा सम्मेलन सक्ने उनले जनाए ।

बैठकमा अखिल(क्रान्तिकारी) को केन्द्रिय सचिव प्रसुन कार्की, नेकपा (माओवादी केन्द्र) बागमती प्रदेश सदस्य श्यामसुन्दर श्रेष्ठ, उजारसिं तामाङ, बागमती प्रदेश अध्यक्ष सुरजसिंह ठकुरी, मूख्य सचीव रन्जित आचार्य, केन्द्रिय सदस्य मिलन लामा, अर्जुन पौडेल, सुबिन चालिसे, पार्टी प्रदेश सदस्य, विद्यार्थी प्रदेश सदस्य, जिल्ला पदाधिकारी, स्वबियु पदाधिकारी तथा जिल्ला सदस्यहरुको उपस्थिति थियो ।