विद्या भूषणबाट सिन्धुपाल्चोकका ७ जना विभूषित

चौतारा । सरकारले राष्ट्रिय शिक्षा दिवस २०८० को अवसरमा शिक्षा क्षेत्रमा योगदान पुर्याउने सिन्धेपाल्चोकका ७ जनालाई विद्या भूषणबाट विभूषित गरेको छ ।

नेपाल विद्याभुषण ‘क’ बाट विसं. २०७५ सालमा त्रिभुवन विश्वविद्यालयबाट नवीकरणीय उर्जा इन्जिनियरिङ विषयमा विद्यावारिधी गरेका रामप्रसाद धिताल, २०७७ सालमा त्रिभुवन विश्वविद्यालयबाट गणित विषयमा विद्यावारिधी गरेका रामचन्द्र ढुङ्गाना, २०७२ सालमा त्रिभुवन विश्वविद्यालयबाट कार्डियोलोजी विषयमा चिकित्साशास्त्र विद्यावारिधी गरेका हेमन्त श्रेष्ठ, २०७६ सालमा काठमाण्डौ विश्वविद्यालयबाट विकास अध्ययन विषयमा विद्यावारिधी गरेकी लक्ष्मी ढुङ्गेल र सन् २०१० मा मेवार विश्वविद्यालय भारतबाट समाजशास्त्र विषयमा विद्यावारिधी गरेका राजु क्षेत्री विद्या भूषणबाट विभूषित भएका हुन् ।

त्यस्तै नेपाल विद्याभुषण ‘ख’ बाट वि.सं. २०७५ सालमा पूर्वाञ्चल विश्वविद्यालयबाट स्नाकोत्तर तहमा चिकित्साशास्त्र संकाय अन्र्तगत उच्चतम ग्रेड प्वईन्ट प्राप्त गरी प्रथम भएका रामबहादुर श्रेष्ठ विभूषित भएका छन् । नेपाल विद्याभुषण ‘ग’ बाट भने २०७६ सालमा त्रिभुवन विश्वविद्यालय चिकित्साशास्त्र अध्ययन संस्थानबाट स्नातक तहमा उच्चतम अंक प्राप्त गरी प्रथम भएकी रीना थापा विभूषित भएकी छिन् ।

थापाले २०७५ सालमा त्रिभुवन विश्वविद्यालय चिकित्साशास्त्र संकायबाट स्नातक तहमा उच्चतम तहको ग्रेड प्राप्त गरी छात्रा तर्फ प्रथम भएका कारण नेपाल छात्रा विद्यापदकसमेत पाएकी छिन् । सरकारले यो वर्ष शिक्षा क्षेत्रमा योगदान पुर्याउने ९ सय ६२ जनालाई विभूषित गरेको हो ।