टेवल टेनिस प्रतियोगितामा कमल, मिलन र विकास विजयी

चौतारा । स्वास्थ्यको लागि खेलकुद राष्ट्रको लागी खेलकुद भन्ने नाराका साथ आयोजना गरिएको सिन्धुपाल्चोक जिल्ला स्तरीय टेवल टेनिस प्रतियोगितामा विहीबार सम्पन्न भएको छ ।

चौताराको रंगशालामा सञ्चालन भएको प्रतियोगितामा मेन्स डबल तर्फ कमल श्रेष्ठ र मिलन लामा विजयी भए । त्यस्तै सोही खेलमा दिनेश तामाङ र हरी थापा द्वितीय, सुनिल घले र दिपेन्द्र घले तृतीय भए । प्रथम हुने श्रेष्ठ र लामाले १२ हजार रुपैंयासहित ट्रफी, मेडल र प्रमाणपत्र प्रप्त गरे । द्वितीयले ६ हजार र तृतीय हुने जोडीले ४ हजारसहित ट्रफी, मेडल र प्रमाणपत्र प्राप्त गरे ।

मेन्स सिंगल्स तर्फ कमल श्रेष्ठ प्रथम बने । सोही खेलमा मिलन लामा द्वितीय र सुनिल घले तृतीय भए । प्रथम हुनेलाई ७ हजार, द्वितीय हुनेलाई ५ हजार र तृतीय हुने खेलाडीलाई ३ हजार रुपैंयासहित ट्रफी, मेडल र प्रमाणपत्र प्रदान गरिएको थियो ।

त्यस्तै भेट्रान्स सिंगल्स तर्फ विकास श्रेष्ठ प्रथम भए । सो खेलमा दुर्गाप्रसाद ढुङ्गेल द्वितीय र रामबहादुर घले तृतीय भए । प्रथम हुनेलाई हजार, द्वितीय हुनेलाई ३ हजार र तृतीय हुनेलाई २ हजार रुपैंयासहित ट्रफी, मेडल र प्रमाणपत्र प्रदान गरिएको थियो । जिल्ला खेलकुद विकास समितिका अध्यक्ष सुरेश रानाले विजयी खेलाडीहरुलाई ट्रफी, मेडल र प्रमाणपत्र प्रदान गरेका थिए ।

चौतारा सागाँचोकगढी नगरपालिकाको सहयोग, चौतारा सागाँचोकगढी नगर खेलकुद विकास समितिको समन्वय र जिल्ला टेबल टेनिस संघ सिन्धुपाल्चोकको आयोजकमा भएको प्रतियोगितालाई समापन गर्दै संघका जिल्ला अध्यक्ष मिलन लामाले टेबल टेनिसलाई जिल्लाव्यापी रुपमा विस्तार गर्न लागिपर्ने बताए । ‘जिल्लामा लोप हुन लागेको यो खेलको विकाससँगसँगै खेलाडीहरुलाई प्रोत्सहान गर्ने कार्यक्रम संघले ल्याउनेछ’, उनले भने ।