जिल्ला स्तरिय नगर कप तेक्वान्दो प्रतियोगिता हुने

चौतारा । आगामी पुस ६ र ७ गते चौतारामा प्रथम जिल्ला हिराहरि जिल्ला स्तरिय नगर कप क्योरुगी तथा पुम्से तेक्वान्दो प्रतियोगिता हुने भएको छ ।

चौतारा साँगाचोकगढी नगरपालिकाको आर्थिक सहयोगमा चौतारा साँगाचोक नगर खेलकुद विकास समितिको समन्वय तथा हिराहरी तेक्वान्दो डोजाङको आयोजनामा हुने प्रतियोगिता चौताराको श्रीकृष्ण रत्नगंगा माद्यमिक विद्यालयमा हुने प्रतियोगिता संयोजक रमेश गुरुङले जानकारी दिए ।

क्योरोगि (फाइट) विधामा महिला तर्फ ७ र पुरूष तर्फ १० गरि १७ स्वर्णको लागि प्रतिस्पर्धा हुने आयोजकले जनाएको छ । त्यस्तै पुम्सेतर्फ महिला पुरूष गरि ८ स्वर्ण, जोडी पुम्से तर्फ २ स्वर्ण, समूह पुम्से तर्फ २ स्वर्ण गरी १२ स्वर्णको लागि प्रतिस्पर्धा हुने जनाईएको छ । ग्योरोगि तर्फ १७ र पुम्से तर्फ १२ गरि जम्मा २९ स्वर्णको लागि प्रतिस्पर्धा हुने संयोजक गुरुङले बताए ।

जिल्लामा पहिलो पटक हुन लागेको प्रतियोगितामा जिल्ला भरबाट ८ टिमको २ सय ७० जना क्योरोगि तथा पुम्से विधाका महिला पुरूष खेलाडी सहभागि हुने आयोजकको भनाई छ । कोच, अफिसियल, पदाधिकारी र पर्यवेक्षक गरी ५० र विभिन्न खेल संघ संस्थाबाट ४० जना कार्यक्रममा सहभागिता रहने गरी तयारी थालिएको आयोजकले जनाएको छ ।