वादविवाद प्रतियोगितामा अनिता प्रथम

पाथीभरा । चौतारा साँगाचोकगढी नगरपालिका– ११ पाथीभरामा रहेको जनविकास माद्ययमिक विद्यालयले वार्षिक उत्सवको अवसरमा गरेको माध्यमिक स्तरीय वादविवाद प्रगियोगितामा जनजागृति मावि साँगाचोककी अनिता सुनुवार प्रथम भएकी छिन् ।

वैदेशिक रोजगार वाध्यता कि अवसर भन्ने शीर्षकमा भएको प्रतियोगितामा गोल्मादेवी मावीकी छात्रा सुन्तली गिरी द्वितीय र भीमसेन माविका छात्र महेश काकी तृतीय भएका हुन् । ८ विद्यालय सहभागि प्रतियोगिताको मूल्याङ्कन प्रगतिशील लेखक संघ बागमति प्रदेशका सचिव एवम् पत्रकार सुन्दर शिरीष र अखिल नेपाल लेखक संघ बागमती प्रदेशका कोषाध्यक्ष एवम् शब्द सारथिका सदस्य हेमन प्रधानले गरेका थिए ।

प्रतियोगितामा विजयी हुनेहरुलाई आईतबार हुने विद्यालयको वार्षिक उत्सव समारोहमा पुरस्कार प्रदान गरिने विद्यालयका प्रधानाध्यापक विरेन्द्रराज गिरीले जानकारी दिए । कार्यक्रममा विद्यालय व्यवस्थापन समितिका अध्यक्ष अशोक पराजुलीले प्रतियोगितामा हार र जीत अवस्य नै हुने भन्दै विद्यार्थीको मेहनतको प्रशंसा गरे ।

कार्यक्रममा विभिन्न विद्यालयका शिक्षक शिक्षिका, विद्यार्थीहरुको उपस्थिति रहेको थियो ।