स्वर्गिय बुबाआमाको सम्झनामा विद्यालयमा सरस्वती मन्दिर स्थापना

चौतारा । चौतारा साँगाचोकगढी नगरपालिका– ५ मा रहेको वनदेवी माध्यमिक विद्यालयमा स्वर्गिय बुबाआमाको सम्झनामा सरस्वती देवीको मन्दिर निर्माण गरिएको छ ।

स्थानीय समाजसेवी अर्जुन विश्वकर्मा, कमल विश्वकर्मा र रमेश विश्वकर्माले आफ्ना स्वर्गिय बुबाआमाको सम्झनामा विद्यालय परिसरमा सरस्वतीको मन्दिर निर्माण गरेका हुन् । विद्यालय प्राङगणमा निर्माण गरिएको मन्दिर वसन्त पञ्चमी अर्थात आज सरस्वती पूजाको दिन पारेर विद्यालयलाई हस्तान्तरण गरिएको हो । विश्वकर्मा सोही विद्यालयको विद्यालय व्यवस्थापन समितिको अध्यक्ष समेत हुन् ।

मन्दिर उद्घाटन तथा हस्तान्तरण कार्यक्रममा वडा सदस्य रामबहादुर घले, विद्यालय परिवार, स्थानीयहरुको बाक्लो उपस्थिति रहेको थियो ।