सिन्धुपाल्चोक उद्योग वाणिज्य संघमा बस्नेत विजयी

चौतारा । सिन्धुपाल्चोक उद्योग वाणिज्य संघको अध्यक्षमा बुद्धराज बस्नेत विजयी भएका छन् । अध्यक्ष पदको उम्मेद्वारद्वय सुमन खत्री र शम्भुबहादुर तिमल्सिनालाई पराजीत गरी बस्नेत विजयी भएका हुन् ।

बस्नेतले ९ सय ५ मत प्राप्त गरे भने खत्री र तिमल्सिनाले ६ सय ८४ र २ सय ९७ मत प्राप्त गरे । संघको २८औँ साधरणसभा तथा ११औँ अधिवेशनमा नयाँ नेतृत्वको लागि शनिबारबाट मतदान सुरु भएको थियो । मतगणना आईतबार साँझ ७ बजे सकिएको प्रमुख निर्वाचन अधिकृत भीमबहादुर पौडेलले बताए ।

त्यस्तै संघको वरिष्ठ उपाध्यक्षमा ८ सय १२ मत प्राप्त गरी उमेश प्रधान विजयी भएका छन् । सो पदमा सूर्यबहादुर कार्की र विदुरप्रसाद पराजुलीले उम्मेदवारी दिएका थिए । उनीहरुले क्रमसः ६ सय ९४ र ३ सय ४७ मत प्राप्त गरे । संघको प्रथम उपाध्यक्ष पदमा भने भेषबहादुर बस्नेत निर्विरोध निर्वाचित भएका छन् । द्वितीय उपाध्यक्षमा १ हजार ५७ मत ल्याई इन्द्रबहादुर राउत निर्वाचित भएका छन् । त्यस्तै संघको तृतीय उपाध्यक्षमा विचारी पराजुली, महासचिवमा इश्वर गुभाजु, सचिवमा तिर्थराज पौडेल र सह–कोषाध्यक्षमा उद्धव पौडेल निर्विरोध निर्वाचित भएका हुन् ।

१५ सदस्य पदको लागि अधिवेशमा २९ जनाले उम्मेद्वारी दिएका थिए । जसमध्ये अम्मरबहादुर श्रेष्ठ, अशोककुमार श्रेष्ठ, इश्वर खत्री, उद्धव तिमल्सिना, उमेश श्रेष्ठ, कुमार थापा, गणेश नेपाल, चेङा शेर्पा, दलबहादुर रुम्बा, दावा ग्याल्जेन शेर्पा, प्रकाश पौडेल, मणिकलाल श्रेष्ठ, राजकुमार बस्नेत, सुरज तिमल्सिना र शुसान्त भट्टराई निर्वाचित भएका छन् । दुई महिला सदस्य पदमा कल्याणी घिसिङ र चमेली श्रेष्ठ निर्विरोध निर्वाचित भएको छन् ।

अघिवेशनमा २ हजार ५ सय प्रतिनिधिले मतदान गरेका थिए । अध्यक्ष पदमा निर्वाचित भएलगत्तै बुद्धराज बस्नेतले स्थानीय उद्योगलाई बढावा दिंदै जिल्लाको अर्थतन्त्र बलियो बनाउन लागि पर्ने बताए । ‘साना तथा मझौला व्यावसायीहरुलाई प्रवद्र्धन गर्नेतर्फ मेरो पहिलो प्राथकिमता हुनेछ’, बस्नेतले भने । तातोपानी नाकालाई साना व्यवसायीको पहुँचमा पुर्याउन सम्बन्धित पक्षसँग छलफल गरेर दीर्घकालीन रुपमा व्यवसाय गर्ने वातावरण सिर्जना गर्ने बताउँदै उननले कृषि, पर्यटनजस्ता क्षेत्रमा लगानी बढाएर रोजगारी सिर्जना गर्नुका साथै समृद्ध सिन्धुपाल्चोक निर्माणमा आपूm प्रतिबद्ध रहेको जनाए ।