पौडेलको कविता संग्रह ‘बग्दा बग्दै’ लोकार्पण

काठमाण्डौं । अनेसास कविता महोत्सव– २०२३ का विजेता कवि जगन्नाथ पौडेलले कविता संग्रह ‘बग्दै बग्दै’ को लोर्कापण भएको छ ।

प्रज्ञा प्रतिष्ठानमा सोमबार भएको समारोहमा अनेसास बिओटीका अध्यक्ष पदम विश्वकर्मा, अनेसासका पूर्व केन्द्रीय अध्यक्ष राधेश्याम लेकाली, पूर्व सल्लाहकार एवं समालोचक प्रा.डा. लक्ष्मणप्रसाद गौतम, अनेसासका केन्द्रीय उपाध्यक्षहरू राजेन्द्र श्रेष्ठ र डा. रेणु थापा सोलु, समालोचक महेश पौडेल, साहित्यपोस्टका प्रधान सम्पादक अश्विनी कोइराला, गणेश कुमार जी.सी. लगायतले कविता संग्रहको लोकार्पण गरे ।

समारोहमा कार्यक्रममा प्रमुख अतिथि पदम विश्वकर्मा, पूर्व अध्यक्ष राधेश्याम लेकाली, पूर्व सल्लाहकार डा. लक्ष्मणप्रसाद गौतम, कवि जगन्नाथ पौडेल लगायतले मन्तव्य राखेका थिए । यसैगरी समालोचक महेश पौडेल र डा. बालाकृष्ण अधिकारीले लोकार्पित कृतिबारे समीक्षात्मक मन्तव्य राखेका थिए ।

कार्यक्रममा साहित्यकार सुमन वर्षा, तैं तैं धिताल, मोहराज शर्मा लगायतले लोकार्पित कृतिबाट कविता वाचन गरेका थिए । कविता वाचनको बेला वसन्त चामलिङ राईले बाँसुरीमा धुन दिएका थिए । कार्यक्रममा साहित्यकारहरू श्रीओम श्रेष्ठ, युवराज नयाँघरे, दिव्य गिरी, विजयध्वज थापा, विक्रमभक्त जोशी, देविका तिमिल्सिना, रन्जना निरौला, शान्ति रिसाल, सिर्जना शर्मा, रमेश दहाललगायतको उपस्थिति रहेको थियो ।

अनेसास नेपाल च्याप्टरका अध्यक्ष राजेन्द्र के. सी. को सभापतित्वमा आयोजित उक्त कार्यक्रममा कोषाध्यक्ष कमला रिसालले स्वागत गीत तथा स्वागत मन्तव्य उपाध्यक्ष निर्मल पराजुलीले र संचालन उपाध्यक्ष उपाध्यक्ष मन्जिला अनिलले गरेक थिईन् । पुस्तकलाई साहित्यपोस्ट ई–दैनिकको माउसंस्था शब्दमिडिया प्रा.लि. ले प्रकाशन गरेको हो ।