विद्यार्थीलाई उद्घोषणकला सीप प्रदान

चौतारा । चौतारा साँगाचोकगढी नगरपालिका वडा नं १ वडा बाल सञ्जालले सेतीदेवी माद्यमिक विद्यालय स्याउलेका विद्यार्थीहरुलाई उद्घोषणकला सम्बन्धि सीप प्रदान गरेको छ ।

विद्यार्थीहरुको क्षमता अभिवृद्धि गर्दै उघोषण सम्बन्धी सीप बृद्धि गर्ने उद्देश्यले दुई दिने तालिमको आयोजना गरेको नगर बाल सञ्जालका अध्यक्ष सुजन श्रेष्ठले जानकारी दिए । बिहीबार र शुक्रबार सञ्चालन भएको तालिममा उद्घोषणकला सम्बन्धी व्यवहारीक ज्ञानको साथै प्रयोगात्मक कार्यशाला सञ्चालन गरी विद्यार्थीहरुको क्षमता अभिवृद्धि गरिएको तालिमको मूख्य प्रशिक्षक एवम् प्रेस सेन्टर नेपाल सिन्धुपाल्चोकका अध्यक्ष सुन्दर शिरीषले जानकारी दिए ।

३५ जना सहभागि रहेको तालिमको समापन समारोहमा वडा सदस्य रामशरण अधिकारी, विद्यालय व्यवस्थापन समितिको अध्यक्ष, विद्यालयका प्रधानाध्यापक गोपाल पुरी, सञ्चारकर्मीहरुको उपस्थिति रहेको थियो । तालिम वडा बाल सञ्जाल अध्यक्ष आयुषा थापाको अध्यक्षता सम्पन्न भएको हो ।