पूर्व विद्यार्थी समाजकाे अध्यक्षमा सापकोटा

चौतारा । चौतारा साँगाचोकगढी नगरपालिका– ४ कुविण्डेमा रहेको सेतीदेवी पञ्चकन्या माध्यमिक विद्यालयको पूर्व विद्यार्थी समाजकाे अध्यक्षमा माधव सापकोटा चयन भएका छन् ।

शनिबार राजधानीकाे जडिबुटीमा भएको पूर्व विद्यार्थी भेटघाट कार्यक्रमको बीच गठन गरिएको समाजको उपाध्यक्षमा गंगाबहादुर तामाङ, सचिवमा राजेन्द्र शर्मा र कोषाध्यक्षमा विष्णुमाया सापकोटा चयन भएका हुन् । त्यस्तै सदस्यहरुमा धनन्जय शर्मा, कमलनाथ पराजुली, दिपा सापकोटा, नवराज सापकोटा, मातृका सुवेदी, रामचन्द्र नेपाल र सुनिल तामाङ चयन भए ।

समाज गठन पछि बोल्दै अध्यक्ष माधव सापकोटाले पूर्व विद्यार्थी समाजले विद्यालयको बृहत्तर विकासको लागि सहयोग गर्ने जनाए । यता विद्यालयले पूर्व विद्यार्थी समाजसँगको सहकार्य विद्यालयको समग्र क्षेत्रको विकासका लागि कोशेढुङ्गा सावित हुने विश्वास व्यक्त गरेको छ ।